რევაზ სულუხია

დაბადების ადგილი: ქ. მარტვილი.

1966 წელს სწავლობდა რიგის სამედიცინო ინსტიტუტში. დაამთავრა თბილისის სახელმწიფო სამედიცინო ინსტიტუტი 1972 წელს.

1972-1975წწ. იყო გულრიფშის რაიონის ცენტრალური საავადმყოფოს მეან-გინეკოლოგი; 1997-1977წწ. ლენინგრადის ექიმთა დახელოვნების ინსტიტუტის მეანობა-გინეკოლოგიის კათედრაზე გაიარა კლინიკური ორდინატურა, 1978-1980წწ. იყო გულრიფშის სამშობიარო სახლის I სამეანო განყოფილების გამგე; 1980-1993წწ. სოხუმის სამშობიარო სახლის მთავარი ექიმი; 1993 წლიდან  აფხაზეთის ავტონომიური რესპუბლიკის ჯანდაცვის სამინისტროს მთავარი მეან-გინეკოლოგი. ავტორია 46 სამეცნიერო ნაშრომის, 5 მეთოდური წერილის და 4 მონოგრაფიის: "საშვილოსნოს ფარმაკოლოგიური რეგულაცია"(1988), "რით არის აბორტი მწვავე და საშიში"(1989), "თანამედროვე კონტრაცეფციის საშუალებები"(1990), "ქალის განსაკუთრებული ასაკი"(გამომცემლობა "ალაშარა", სოხუმი). კითხულობს გინეკოლოგიის ციკლს კლასიკური და ტრადიციული მედიცინის აკადემიაში(ჩინური მედიცინის ინსტიტუტი). მეან-გინეკოლოგი, მედიცინის მეცნიერებათა დოქტორი, პროფესორი.

საკანდიდატო დისერტაციის თემა - "ფენილალკილამინების ჯგუფის პრეპარატების მოქმედება ჰიპოფიზის ჰონადოტროფულ ფუნქციაზე".

სადოქტორო დისერტაციის თემა - "თერაპიული და ქირურგიული ტაქტიკა ნაადრევი მშობიარობის დროს".

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.256

• აფხაზეთის მეცნიერებათა აკადემია, ნამდვილი წევრი

• ლამაზი ჯანმრთელი ცხოვრება (თანაავტორი). - თბილისი, 2013. - 228გვ.