ავთანდილ განუგრავა

დაბადების ადგილი: ქ. თბილისი.

დაამთავრა ვანო სარაჯიშვილის სახელობის თბილისის სახელმწიფო კონსერვატორია 1960 წელს (საგუნდო-სადირიჟორო); 1961-1964 წელს გაიარა ასპირანტურის საგუნდო სადირიჟორო ფაკულტეტი და ჩააბარა საკანდიდატო მინიმუმი.1970-1974 წლებში დაამთავრა საორკესტრო სადირიჟორო ფაკულტეტი კონსერვატორიაში ოდისეი დიმიტრიადის კლასი.

1956-1957წწ. იყო თბილისის N9 მუსიკალური სკოლის პედაგოგი (საგუნდო საგნები); 1957-1962წწ. საქართველოს სახელმწიფო კაპელის ქორმაისტერი, 1962-1966წწ. დირიჟორი; 1966-1968წწ. ზ. ფალიაშვილის სახელობის თბილისის ოპერისა და ბალეტის თეატრის მთავარი ქორმაისტერი; 1968-1974 იყო ქუთაისის მელიტონ ბალანჩივაძის სახ.სამუსიკო სასწავლებელი-კოლეჯის დირექტორი,ამავე წლებში იყო ქუთაისის ოპერისა და ბალეტის თეატრის მთავარი ქორმეისტერი და ქუთაისის კონსერვატორიის პედაგოგი (ასოცირებული პროფესორი); 1975 -2005 წლამდე მოღვაწეობდა ვასო აბაშიძის სახელობის სახელმწიფო თეატრის მთავარ ქორმეისტერად და თბილისის ზ.ფალიაშვილის სახელობის მე-2 სამუსიკო სასწავლებელში პედაგოგად. მის რეპერტუარში იყო, ქართული: ო. თაქთაქიშვილი "სამი ნოველა" (1967, პრემიერა), ვ. აზარაშვილი "სოლომონ ისაკიჩ მეჯღანუაშვილი" (1983, პრემიერა); ქორმაისტერი.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 97; წიგნი ღირსებისა: ტ. 5 / შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.101

• 2000 - ღირსების ორდენი
• 1990 - საქართველოს ხელოვნების დამსახურებული მოღვაწე
• 1964 - შრომის ვეტერანი
• 1961 - საქართველოს უმაღლესი საბჭოს პრეზიდიუმის საპატიო სიგელი
• 1958 - სახალხო განათლების წარჩინებული
  სახალხო განათლების დარგში თავდადებული და ნაყოფიერი მუშაობისათვის
• ქ.ქუთაისის საპატიო მოქალაქე