ალექსანდრე გარბერი

დაბადების ადგილი: ქ. მოსკოვი.

დაამთავრა ქ. როსტოვის მუსიაკლური სასწავლებელი 1966 წელს(საფორტეპიანო), ქ. მოსკოვის გნესინების სახელობის მუსიკა-პედაგოგიური ინსტიტუტი 1971 წელს.

1975 წელს მოსკოვის კონსერვატორიაში გაიარა სტაჟირების კურსი(ფორტეპიანო); 1975-1982წწ. იყო ქ. უფის(რუსეთი) ხელოვნების ინსტიტუტის პედაგოგი(ფორტეპიანო), პარალელურად, რუსეთის ფილარმონიის სოლისტი; 1982 წლიდან თბილისის "ნიჭიერთა ათწლედის" პედაგოგი, 1992 წლიდან ვ. სარაჯიშვილის სახელობის თბილისის სახელმწიფო კონსერვატორიის პედაგოგი, 2004 წლიდან პროფესორი, 2007 წლიდან ასოცირებული პროფესორი; აღზარდა მრავალი თაობა ლაურეატი მოწაფეებისა: ა. აბულაძე, თ. ალავიძე, ნ. ბარქაია, ე. გაგნიძე, ნ. ზაქაიძე, ს. კისელიოვი, ნ. მარგველაშვილი, ნ. მიდელაშვილი, ი. ჭარუაშვილი; გასტროლებით იმოგზაურა: სსრკ, ესპანეთი, გერმანია. პიანისტი.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 98