ელზა გარსევანიშვილი

დაბადების ადგილი: ქ. თბილისი.

დაამთავრა თბილისის II მუსიკალური სასწავლებელი 1962 წელს, ვანო სარაჯიშვილის სახელობის თბილისის სახელმწიფო კონსერვატორია 1967 წელს (ვოკალური).

1960-1975წწ. იყო საქართველოს სახელმწიფო კაპელის სოლისტი (მეცო-სოპრანო), 1975 წლიდან ზ. ფალიაშვილის სახელობის თბილისის ოპერისა და ბალეტის თეატრის სოლისტი; ქართული რეპერტუარი, ოპერები: თამარი (1966, დ. არაყიშვილი "თქმულება შოთა რუსთაველზე", თბილისის სახელმწიფო კონსერვატორიის საოპერო სტუდია), ნათელა, ნანო (ზ. ფალიაშვილი "აბესალომ და ეთერი", "დაისი"), ბარბალე, ბაბუსი(ვ. დოლიძე "ქეთო და კოტე"), კნეინა მარო(ჯ. და ვ. კახიძეები "ბარბალე"), დედა (1979, პრემიერა, მ. დავითაშვილი "ნაცარქექია"); ქართული კანტატა-ორატორია, ვოკალურ-სიმფონიური ჟანრი: ი. გეჯაძე "მარადისობა", ვ. აზარაშვილი "ბალადა შინმოუსვლელ გმირზე", მ. დიაკვნიშვილი "ლირიკული სიუიტა"; კამერული: ე. შავერზაშვილი "დიალოგი" (1972), მისივე "მთის სიმღერები" (1973), ტ. ბაქრაძე ვოკალური ციკლი "ცხრა ვოკალური მინიატურა" მ. მაჭავარიანის ლექსებზე, მ. ცერცვაზე ვოკალური ციკლი "წუთისოფელი"; სხვა რეპერტუარი: მესამე სეფე-ქალი (მოცარტი "ჯადოსნური ფლეიტა"), ბერტა (როსინი "სევილიელი დალაქი"), იროდიადა (რ. სტრაუსი "სალომე"), დუქნის დიასახლისი (მუსორგსკი "ბორის გოდუნოვი"); კამერული რეპერტუარი: XV-XVI საუკუნეების კამერული მუსიკა - პერსელი, ჰენდელი, პერგოლეზე, შუტცი, შუბერტი, შუმანი, დებიუსი, ჩაიკოვსკი, რახმანინოვი; მონაწილეობდა მუსიკალურ-დრამატულ სპექტაკლებში.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 99

• 1969 - ამიერკავკასიის მუსიკოს-შემსრულებელთა კონკურსი, III პრემია (ერევანი)
• საქართველოს დამსახურებული არტისტი