ალექსანდრე გაუკი

დაბადების ადგილი: ქ. ოდესა.

დაამთავრა პეტროგრადის კონსერვატორია 1917 წელს(სადირიჟორო).

1917 წლიდან დაიწყო სადირიჟორო მოღვაწეობა; 1920-1931წწ. იყო ლენინგრადის კიროვის სახელობის ოპერისა და ბალეტის თეატრის დირიჟორი; 1930-1933წწ. ლენინგრადის ფილარმონიის სამხატვრო ხელმძღვანელი და მთავარი დირიჟორი, 1936-1941წწ. სსრკ სახელმწიფო სიმფონიური ორკესტრის მთავარი დირიჟორი; 1934-1936წწ. და 1953-1962წწ. სსრკ საკავშირო რადიოს დიდი სიმფონიური ორკესტრის დამაარსებელი, დირიჟორი და სამხატვრო ხელმძღვანელი; 1927-1933წწ. და 1946-1948წწ. ლენინგრადის კონსერვატორიის პედაგოგი, 1939-1963წწ. მოსკოვის კონსერვატორიის პედაგოგი, 1948 წლიდან პროფესორი; 1941-1942წწ., 1943-1947წწ. ზ. ფალიაშვილის სახელობის თბილისის ოპერისა და ბალეტის თეატრის დირიჟორი; 1941-1943წწ. საქართველოს სახელმწიფო სიმფონიური ორკესტრის მთავარი დირიჟორი, ამავე პერიოდში ვ. სარაჯიშვილის სახელობის თბილისის სახელმწიფო კონსერვატორიის პედაგოგი; 1953-1962წწ. საქართველოს სახელმწიფო სიმფონიური ორკესტრის მთავარი დირიჟორი და სამხატვრო ხელმძღვანელი; მისი მოწაფეები თბილისის კონსერვატორიაში იყვნენ: შ. აზმაიფარაშვილი, , ჯ. გოკიელი, ა. მელიქ-ფაშაევი, ე. მიქელაძე, ვ. ფალიაშვილი, ე. გრიქუროვი; ქართული რეპერტუარი, ინსტრუმენტული კონცერტები: ქ. თუმანიშვილი საფორტეპიანო კონცერტი N1, ა. ბალანჩივაძე საფორტეპიანო კონცერტები N2, N3; სიმფონიური უვერტიურები, პოემები: ა. შავერზაშვილი "ელგუჯა"(1944, თბილისი), ო. გორდელი "ახალგაზრდული უვერტიურა"(1957, მოსკოვი); კანტატა-ორატორია: ა. მაჭავარიანი "ჩემი სამშობლოს დღე"(1955, მოსკოვი), გრ. კოკელაძე "სიმღერა სამგორზე"(1952); თბილისში განხორციელებული სხვა რეპერტუარი: ბეთჰოვენი სიმფონია N9, უვერტიურა "ეგმონტი"; მისი თხზულებებია: სიმფონიური ნაწარმოებები, კონცერტი 2 არფისა და ფორტეპიანოსათვის, ინსტრუმენტული პიესები, რომანსები, მან აღადგინა(საორკესტრო ხმების მიხედვით, რომელიც ინახებოდა პეტერბურგის კონსერვატორიაში) ს. რახმანინოვის I სიმფონია, რომელიც ავტორმა გაანადგურა, შესრულდა 1944 წელს მოსკოვში; გასტროლებით მოგზაურობდა: სსრკ, ევროპის ქვეყნები.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 99

• 1954 - რუსეთის სახალხო არტისტი