სიმონ სურგულაძე

დაბადების ადგილი: სოფელი ლეკა, რსფსრ, ლენინგრადის ოლქი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1976 წელს.

1976-1978წწ. იყო მ. ასათიანის სახელობის ფსიქიატრიის რესპუბლიკური კლინიკური ინსტიტუტის სასამართლო ფსიქიატრიული ექსპერტიზის განყოფილების უმცროსი მეცნიერ-თანამშრომელი; 1985 წლიდან - ამავე განყოფილების უფროსი მეცნიერ-თანამშრომელი; 1990 წლიდან  - მ. ასათიანის სახელობის ფსიქიატრიის რესპუბლიკური კლინიკური ინსტიტუტის სასამართლო ფსიქიატრიული ექსპერტიზის ჯგუფის ხელმძღვანელი; 1988-1990წწ. - საქართველოს ჯანმრთელობის დაცვის სამინისტროს მთავარი ფსიქიატრი; 1994-1995წწ. მუშაობდა გერმანიაში, ქალაქ ჰაიდელბერგის უნივერსიტეტის ფსიქიატრიულ კლინიკაში; 1997 წლიდან - ლონდონის ნეიროფსიქიატრიულ კლინიკაში. ავტორია 35 სამეცნიერო ნაშრომისა, რომლებიც ეხება ფსიქიატრიას, სოციალურ ფსიქიატრიას, პათოფსიქოლოგიას. მისი ხელმძღვანელობით დაცულია საკანდიდატო და სადოქტორო დისერტაციები. ექიმი-ფსიქიატრი, მედიცინის მეცნიერებათა დოქტორი, ფსიქიატრიის მეცნიერებათა დოქტორი.

საკანდიდატო დისერტაციის თემა - "იპოქონდრულ გამოვლინებათა სასამართლო-ფსიქიატრიული მნიშვნელობა შიზოფრენიის დროს"; სადოქტორო დისერტაციის თემა - "შუბისმაგვარი შიზოფრენიის რემისიების კლინიკური და ექსპერიმენტულ-ფსიქოლოგიური კვლევის მონაცემები და მათი სასამართლო-ფსიქიატრიული მნიშვნელობა"; დაიცვა 1994 წელს.  

წყარო: ვინ ვინაა თანამედროვე ქართულ სამედიცინო მეცნიერებაში: თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.257; საქართველოს მეცნიერებათა დოქტორები, 1992-2006/შემდგ. და რედ.: ირინა ჯაფარიძე. -თბ., 2012. -გვ.366; clinical-partners.co.uk

• ნიუ-იორკის აკადემია, აკადემიკოსი
• ფსიქიატრთა საზოგადოება, წევრი
• ფსიქიკური ჯანმრთელობის ასოციაცია, ვიცე-პრეზიდენტი
• ფსიქიკური ჯანმრთელობის ასოციაცია, პრეზიდენტი

• ფსიქოპათია. აკვიატებულ მდგომარეობათა ნევროზი და აკვიატებული შიშები. დეპრესია. ისტერია (ავტორი). - თბილისი, რუბიკონი, 1993. - 22გვ.