ლილი გეგელია

დაბადების ადგილი: ქ. თბილისი.

დაამთავრა ივანე ჯავახიშვილის თბილისის სახელბწიფო უნივერსიტეტიs ისტორიული ფაკულტეტი; თბილისის I მუსიკალური სასწავლებელი 1942 წელს(ვოკალური).

1954 წლიდან იყო საქართველოს რადიოს, ხოლო 1956 წლიდან საქართველოს საესტრადო ორკესტრ "რეროს" წევრი; საგანგებოდ მისთვის ქმნიდნენ სიმღერებს ქართველი და რუსი კომპოზიტორები, მათ შორის: ლ. იაშვილი "უფლისციხესთან" (მ. ლებანიძის ლექსი), "გელათი" (ჯ. ჩარკვიანის ლექსი), "მოდიოდა ნინო მთებით (ა. კალანდაძის ლექსი), "მარად და ყველგან საქართველოვ, მე ვარ შენთანა" (ი. ჭავჭავაძის ლექსი); ის ახმოვანებდა ფილმებს: მედეა ჯაფარიძე - "წარსული ზაფხული" (კომპოზიტორი ო. გორდელი), ნატა კობახიძე - "ყვავილი თოვლზე" (კომპოზიტორი რ. ლაღიძე), დოდო ჭიჭინაძე - "ნინო" (კომპოზიტორი რ. ლაღიძე), მეგი წულუკიძე - "პალიასტომი" (კომპოზიტორი დ. თორაძე), ლია ელიავა - "ჭიაკოკონა" (კომპოზიტორი ბ. კვერნაძე); ის ასრულებდა ქართველ კომპოზიტორთა საესტრადო სიმღერებს: ლ. იაშვილი "ია-ია", კ. პევზნერი "გამოდი", "გაზაფხულის ბრალია", პ. ნალბანდიშვილი "ლურჯი იები", ბ. კვერნაძე "სად მიხვალ", გ. ცაბაძე "ჩემს სახლთან პატარა ბაღია"; გასტროლებით იმოგზაურა "რერო"-სთან ერთად: სსრკ, ინგლისი, შოტლანდია, ბელგია, ჰოლანდია, გერმანია, პოლონეთი, უნგრეთი, ჩეხოსლოვაკია; სოლო კონცერტებით: სსრკ, გერმანია. საესტრადო მომღერალი.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 101; წიგნი ღირსებისა: ტ. 2/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.190

• 1997 - ღირსების ორდენი
• 1989 - საქართველოს სახალხო არტისტი
• 1961 - საქართველოს დამსახურებული არტისტი