კიწი გეგეჭკორი

დაბადების ადგილი: ქ. ზუგდიდი.

1896 წლიდან მღეროდა სკოლის გუნდში, 1904 წლიდან ძ. ლოლუას გუნდში, 1905 წლიდან ნ. ურუშაძის გუნდში; 1917 წელს დააარსა და ხელმძღვანელობდა ქართული ხალხური სიმღერის გუნდებს ბათუმში, სენაკში, მარტვილში, ბანძაში, ქვალონში, სოხუმში, გალში; 1923 წელს ძ. ლოლუასთან ერთად ქუთაისში საფუძველი ჩაუყარა ეთნოგრაფიულ გუნდს, ხოლო ძ. ლოლუას გარდაცვალების შემდეგ, 1929 წლიდან, ამ გუნდს ხელმძღვანელობდა; 1938-1968წწ. იყო აფხაზეთის სიმღერისა და ცეკვის სახელმწიფო ანსამბლის ხელმძღვანელი; ივანე გეგეჭკიორი მრავალი სიმღერის ტექსტისა და მუსიკის ავტორი იყო: "ჩაგუნა", "სიმღერა თბილისზე", "მარებელი", "ძუკუ ლოლუა", "ბექია", "მათეია", "ბეჟა ნანა, ბეჟა სქუა", "ვენგარა, სუ ნანა"; სატრფიალო სიმღერები: "ამესური სო დოგირჩა", "ბაღჩა დო ვარდი", "დელია ნანა"; მან დიდი როლი ითამაშა ქართული და აფხაზური ხალხური სიმღერების აღორძინებისა და შეგროვება-შესრულების საქმეში; აღზარდა მრავალი მომღერალი და გუნდის ხელმძღვანელი; ლოტბარი.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 102

• 1946 - საქართველოს ხელოვნების დამსახურებული მოღვაწე