ელგუჯა ტარტარაშვილი

დაბადების ადგილი: დაბა კახი (აზერბაიჯანი).

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1978 წელს.

1978–1982წწ. კლინიკური ორდინატურა გაიარა თბილისის სახელმწიფო სამედიცინო ინსტიტუტის პედიატრიული ფაკულტეტის მეანობა-გინეკოლოგიის ფაკულტეტზე; 1982–1985წწ. იყო ამავე კათედრის ასპირანტი; 1985 წელს - ასისტენტი; 1994 წლიდან - N2 სამშობიარო სახლის ორსულთა პათოლოგიის განყოფილების გამგე; 1997 წლიდან - თბილისის სახელმწიფო სამედიცინო უნივერსიტეტის დოქტორანტი. ავტორია 29 სამეცნიერო ნაშრომის. სამშობიარო სახლ "ჰერას" მეან-გინეკოლოგი. მიღებული აქვს ლენინის მედალი, "დვინა–70"–ში მონაწილეობისათვის (1970). მედიცინის მეცნიერებათა დოქტორი (2002), პროფესორი.

საკანდიდატო დისერტაციის თემა - "დაცვითი სამკურნალო რეჟიმი მედიკამენტოზური გალეა ნოინოფორმებით, როგრც მშობიარობის მართვის ტაქტიკის ოპტიმიზაციის მეთოდი გულის მიტრალური მანკით დაავადებულებში", დაიცვა 1989 წელს; სადოქტორო დისერტაციის თემა - "ნაყოფის ჰიპოქსია: კლინიკა, დიაგნოსტიკა, მკურნალობა, პროფილაქტიკა", დაიცვა 2002 წელს.

წყარო: ვინ ვინაა თანამედროვე ქართულ სამედიცინო მეცნიერებაში: თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.261; საქართველოს მეცნიერებათა დოქტორები, 1992-2006/შემდგ. და რედ.: ირინა ჯაფარიძე. -თბ., 2012. -გვ.367

• ორსულთა პათოფიზიოლოგიის შემსწავლელი საერთაშორისო საზოგადოება "გესტობა", წევრი