ვალიკო ტლაშაძე

დაბადების ადგილი: ქ. გორი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1964 წელს.

1962-1964წწ. იყო ბაიკანურის სარაკეტო ჯარების ექიმი; 1964-1967წწ. გორის რაიონული ცენტრალური საავადმყოფოს ქირურგი, 1967-1969წწ. თბილისის სახელმწიფო სამედიცინო ინსტიტუტის კლინიკური ორდინატორი; 1969-1971წწ. მესტიის რაიონული საავადმყოფოს ქირურგიული განყოფილების გამგე; 1969-1996წწ. რესპუბლიკის ცენტრალური კლინიკური საავადმყოფოს ქირურგი; 1980 წელს გორის ქალაქის საავადმყოფოს ქირურგიული განყოფილების გამგე. 1980 და 1990 წლებში თბილისის ექიმთა დახელოვნების ინსტიტუტში გაიარა კვალიფიკაციის კურსები პროქტოლოგიაში; 1984 წელს იმყოფებოდა მოსკოვის პროქტოლოგიის ინსტიტუტში. 1983-1996წწ. მუშაობდა რესპუბლიკის ცენტრალური კლინიკური საავადმყოფოში პროქტოლოგიის ცენტრის ექიმად; 1996 წლიდან იყო რესპუბლიკის  პროქტოლოგიური ცენტრის დირექტორის მოადგილე. არის 24 სამეცნიერო ნაშრომის ავტორი. ქირურგ-პროქტოლოგი, მედიცინის მეცნიერებათა კანდიდატი. საქართველოს ჯანმრთელობის დაცვის სამინისტროს პროქტოლოგიური ცენტრის ხელმძღვანელი.

საკანდიდატო დისერტაციის თემა - "სეფსისით გართულებული რბილი ქსოვილებისა და ჯირკვლოვანი ორგანოების მწვავე ჩირქოვან დაავადებათა კომპლექსური მკურნალობა", დაიცვა 1998 წელს.  

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.264

• თბილისის ქირურგთა ასოციაცია, წევრი
• სამედიცინო-ეკოლოგიური აკადემია, წევრ-კორესპონდენტი
• საქართველოს ქირურგთა ასოციაცია, წევრი

• 1990 - უმაღლესი კატეგორიის პროქტოლოგი
• 1984 - უმაღლესი კატეგორიის ქირურგი
• 1977 - სოციალისტურ შეჯიბრებაში გამარჯვებული