მელანო ტორონჯაძე

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1972 წელს.

1971-1974წწ. იყო რუსთავის მეტალურგიული ქარხნის მედ. სან. ნაწილის მიმღები განყოფილების გამგე; 1974-1975წწ. საქართველოს ჯანმრთელობის დაცვის სამინისტროს ექსპერიმენტული და კლინიკური თერაპიის სამეცნიერო-კვლევითი ინსტიტუტის ეპიდემიოლოგიური განყოფილების უფროსი ლაბორანტი; 1975-1979წწ. ამავე განყოფილების უმცროსი მეცნიერ-თანამშრომელი; 1979 წელს რევმატოლოგიური ცენტრის რევმატიზმის განყოფილების უმცროსი მეცნიერ-თანამშრომელი; 1997 წლიდან ხელმძღვანელობს რესპუბლიკური სამეცნიერო-პრაქტიკული რევმატოლოგიური ცენტრის რევმატიზმის განყოფილებას. ავტორია 40 სამეცნიერო ნაშრომისა, რომლებიც ეხება კომისუროტომიის შემდგომ  პერიოდში ავადმყოფთა  დისპანსერიზაციასა და რესტენოზის პროფილაქტიკის საკითხებს, გავა-თეძოს შესახსრებას დაზიანების სხვადასხვა ანთებითი რევმატული დაავადებების დროს. გამოქვეყნებული აქვს "რევმატოლოგიის ცნობარი"("მეცნიერება", თბილისი, 1996). რევმატოლოგი, მედიცინის მეცნიერებათა კანდიდატი.

საკანდიდატო დისერტაციის თემა - "გავა-თეძოს შესახსრებების დაზიანების თავისებურებანი სახსრების და ხერხემლის ანთებითი რევმატიული დაავადებების დროს", დაიცვა 1992 წელს.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.264

• საქართველოს რევმატოლოგთა ასოციაცია, წევრი