ბიჭიკო გველესიანი

დაბადების ადგილი: სოფელი რგალი, ჭიათურის რაიონი.

დაამთავრა თბილისის მუსიკალურ სასწავლებელი 1938 წელს(საგუნდო–სადირიჟორო).

სასწავლებლის დამთავრების შემდეგ დაინიშნა ჭიათურის სარაიონო მომღერალთა გუნდის ხელმძღვანელად; მისმა გუნდმა საქართველოს ხალხური თვითმოქმედების I და II ოლიმპიადაზე მაღალი შეფასება დაიმსახურა; 1939–1940წწ. ხელმძღვანელობდა სხვადასხვა თვითმოქმედ კოლექტივებს; 1941 წელს ჩამოაყალიბა მებრძოლთა სიმღერისა და ცეკვის ანსამბლი, რომელიც სამხედრო ნაწილებს ემსახურებოდა; 1947 წელს ჩამოაყალიბა ბავშვთა ანსამბლი, ამავე წელს იყო თბილისის სახელმწიფო უნივერსიტეტის სტუდენტური ანსამბლის ხელმძღვანელი, ანსამბლმა მიაღწია იმ დონეს, რომ შესაძლებელი გახდა საოპერო სპექტაკლების დადგმა; 1950 წლიდან იყო საქართველოს სახელმწიფო სიმღერისა და ცეკვის ანსამბლის ლოტბარი; დიდი დამსახურება მიუძღვის მრავალი მივიწყებული ქართული სიმღერის აღდგენაში; ლოტბარი.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 109

• 1956 - საქართველოს ხელოვნების დამსახურებული მოღვაწე