ნუგზარ ფარღალავა

დაბადების ადგილი: ქ. ფოთი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1972 წელს.

1973–1975წწ. იყო სამხედრო ექიმი; 1975–1977წწ. თბილისის 21–ე პოლიკლინიკის ქირურგი; 1977–1994წწ. მუშაობდა ექსპერიმენტული და კლინიკური ქირურგიის ინსტიტუტში; 1985–1993წწ. მოსკოვის მე–2 სამედიცინო ინსტიტუტის ფაკულტეტური ქირურგიის კლინიკაში; 1994 წლიდან ანგიოლოგიისა და სისხლძარღვთა ქირურგიის ცენტრის დირექტორის მოადგილე. ავტორია 52 სამეცნიერო ნაშრომის. სისხლძარღვთა ქირურგი, მედიცინის მეცნიერებათა დოქტორი.

საკანდიდატო დისერტაციის თემა - "თავისუფალი კანის ნაფლეთის გადანერგვა არტერიულ–ვენური კავშირით მიკროქირურგიული ტექნიკის გამოყენებით", დაიცვა 1983 წელს.

სადოქტორო დისერტაციის თემა - "არატრადიციული მეთოდებით ვენური ტრანსპლანტატების გამოყენება ქვემო კიდურების არტერიების რეკონსტრუქციულ ქირურგიაში", დაიცვა 1994 წელს.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.273

• საქართველოს ანგიოლოგთა ასოციაცია, წევრი
• საქართველოს მიკროცირკულაციის და ჰემორეოლოგიური საზოგადოება, წევრი
• საქართველოს სისხლძარღვთა ქირურგთა ასოციაცია, წევრი
• ქირურგთა საერთაშორისო კოლეჯი, წევრი