რევაზ დოღონაძე

დაბადების ადგილი: ქ. თბილისი.

დაამთავრა მოსკოვის საინჟინრო-ფიზიკის ინსტიტუტი 1955 წელს.

1958-1979წწ. იყო სსრკ მეცნიერებათა აკადემიის ელექტროქიმიური ინსტიტუტის თეორიული განყოფილების უფროსი მეცნიერ თანამშრომელი და ჯგუფის ხელმძღვანელი; 1970-1973წწ. მოსკოვის სახელმწიფო უნივერსიტეტის პროფესორი; 1983-1985წწ. საქართველოს პოლიტექნიკური ინსტიტუტის ზოგადი და თეორიული ფიზიკის კათედრის გამგე; საქართველოს მეცნიერებათა აკადემიის არაორგანული ქიმიისა და ელექტროქიმიის ინსტიტუტის თეორიულ კვლევათა განყოფილების დამაარსებელი და გამგე; 1985 წლიდან ეს განყოფილება მისი სახელობისაა; ეწეოდა აქტიურ პედაგოგიურ მოღვაწეობას; მისი ძირითადი შრომები ეძღვნება ქიმიის, ელექტროქიმიისა და ბიოქიმიის პროცესებში მუხტის გადატანისა და ფოტოგადატანის კვანტურ-მექანიკური თეორიის დამუშავებას; მან შექმნა ამ მიმართულების თეორიტიკოსთა სამეცნიერო სკოლა; საქართველოში თანამედროვე ელექტროქიმიური ფიზიკის ერთ-ერთი ფუძემდებელი, ფიზიკა-მათემატიკის მეცნიერებათა დოქტორი (1966), პროფესორი (1978).

წყარო: საქართველო: ენციკლოპედია: ტ.2. - თბ., 2012. - გვ.489

• ელექტროქიმიის საერთაშორისო საზოგადოების პრეზიდიუმი, წევრი
• ელექტროქიმიის საერთაშორისო საზოგადოების პრეზიდიუმის ელექტროქიმიური ფიზიკის განყოფილება, თავმჯდომარე (1976-1985)
• საქართველოს მეცნიერებათა აკადემია, წევრ-კორესპოდენტი (1983-1985)