ნანა ფილია

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტის სან-ჰიგიენის ფაკულტეტი 1985 წელს.

1985 წლიდან მუშაობს საქართველოს ჯანმრთელობის დაცვის სამინისტროს გ. ნათაძის სახელობის სანიტარიისა და ჰიგიენის სამეცნიერო-კვლევით ინსტიტუტში. ავტორია 10 სამეცნიერო ნაშრომისა, რომლებიც ეხება ვიტამინოლოგიას, მიკროტოქსინების ფიზიოლოგიას(ორგანიზმში მიმდინარე Ca-ის ცვლის პროცესებზე მიკროტოქსინების გავლენის შესწავლა და ამ პროცესების რეგულირება ვიტამინ D-ს ჰორმონებით). ასწავლის თბილისის სახელმწიფო სამედიცინო უნივერსიტეტის სამკურნალო ფაკულტეტზე. მოსკოვში მედიცინის მეცნიერებათა აკადემიის კვების ინსტიტუტში მონაწილეობდა სოროსის ფონდის და მსოფლიო ბანკის გრანტებში. მუშაობს ჩიყვის პრევენციის პრობლემებზე. ექიმი-ჰიგიენისტი(ეპიდემიოლოგი). მედიცინის მეცნიერებათა კანდიდატი. საკვების ჰიგიენის ლაბორატორიის ხელმძღვანელი.

საკანდიდატო დისერტაციის თემა - "კალციუმის ცვლა და მისი რეგულაცია ვიტამინ D-თი მიკროტოქსინების ზემოქმედებისას", დაიცვა 1994 წელს.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.274