ნიკოლოზ ფირადაშვილი

დაბდების ადგილი: სოფელი ველისციხე(გურჯაანის რაიონი).

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1948 წელს.

1948-1950წწ. იყო კურორტ ჯავას ექიმი-ორდინატორი; 1951-1952წწ. სანატორიუმ "ჯავას" მთავარი ექიმი; კურორტ კვაისის სამედიცინო ნაწილის პოლიკლინიკის გამგე; 1952-1955წწ. სისხლის გადასხმის ინსტიტუტის კლინიკური ორდინაროტი; 1956-1958წწ. რუსთავის მედ. სან. ნაწილის თერაპიული განყოფილების გამგე; 1958-1960წწ. რენტგენ-რადიოლოგიის სამეცნიერო-კვლევითი ინსტიტუტის კლინიკური განყოფილების მეცნიერ-თანამშრომელი; 1966-1969წწ. კლინიკური განყოფილების ხელმძღვანელი, 1969-1977წწ. სხივური თერაპიის განყოფილების ხელმძღვანელი; 1977-1996წწ. ონკოლოგიური ცენტრის ჰემობლასტოზების განყოფილების ხელმძღვანელი, 1996 წლიდან ხელმძღვანელობდა მედიკამენტოზური მკურნალობის განყოფილებას. ავტორია 143 სამეცნიერო ნასრომისა, რომლებიც ძირითადად ეხება სისტემური დაავადებების დიაგნოსტიკას, მკურნალობისა და  პროფილაქტიკის საკითხებს. გამოქვეყნებული აქვს მონოგრაფია: "სისხლის წარმოქმნის ფუნქციური თავისებურებანი ცენტრალური ნერვული სისტემის მკვეთრი მოშლის შემთხვევაში", "საბჭოთა საქართველო", თბილისი, 1960. მისი ხელმძღვანელობით დაცულია 5 საკანდიდატო დისერტაცია, დანერგილი აქვს მკურნალობის ახალი მეთოდები. საკავშირო მნიშვნელობის გამომგონებელი. ონკოლოგ-რადიოლოგი. მედიცინის მეცნიერებათა დოქტორი, პროფესორი.

საკანდიდატო დისერტაციის თემა - "სისხლის წარმოქმნის ფუნქციონალური თავისებურებანი სისხლის მრავალჯერადი გამოკვებისა და გადასხმისას კვებითი და დამცველობითი რეფლექსების ურთიერთქმედების შემდეგ", დაიცვა 1956 წელს.

სადოქტორო დისერტაციის თემა - "ლიმფოგრანულომატოზი", დაიცვა 1965 წელს.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.275

• ონკოლოგთა საზოგადოება, წევრი
• ონკოლოგიის სამეცნიერო ცენტრის სამეცნიერო საბჭო, წევრი
• საკოორდინაციო საბჭო, წევრი
• სხივური და ინტერვენციული დიაგნოსტიკის სამეცნიერო-კვლევითი ინსტიტუტის სამეცნიერო საბჭო, წევრი

• 1970 - მედალი "ვ. ი. ლენინის დაბადებიდან 100 წლისთავის გამო"
• პროფესორ ღვამიჩავას სახელობის II ხარისხის პრემია
• მედალი "ჯანმრთელობის დაცვის ფრიადოსანი"