ნინელი ფრუიძე

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტის პედიატრიული ფაკულტეტი 1954 წელს.

1954–1956წწ. მუშაობდა თბილისის სახელმწიფო სამედიცინო ინსტიტუტის ჰოსპიტალური პედიატრიის კათედრაზე; 1956–1962წწ. ჩვილ ბავშვთა სახლში ექიმ–პედიატრად; 1962 წლიდან იყო პედიატრიის სამეცნიერო კვლევითი ინსტიტუტის ჯერ უმცროს მეცნიერ–თანამშრომლი, შემდგომ 1984–1991წწ. კვების განყოფილების ხელმძღვანელი; 1991 წლის მარტიდან ამავე განყოფილების უფროსი მეცნიერ–თანამშრომელი. ავტორია 80 სამეცნიერო ნაშრომის, ეკუთვნის 20–მდე მეთოდური წერილი, 10 ბროშურა, 30–მდე საგაზეთო სტატია, გამოქვეყნებული აქვს სამი მონოგრაფია, ჯანდაცვის სამინისტროს დავალებით შეადგინა 0–დან 1 წლამდე ასაკის ბავშვებისათვის კვების სქემა. კონსულტაციებს უწევს ორდინატორებს, და სამუშაო ადგილზე მივლინებულ ექიმებს. მიღებული აქვს ორი საავტორო მოწმობა. არის ექიმი–პედიატრი, ჩვილ ბავშვთა კვების სპეციალისტი პედიატრი, მედიცინის მეცნიერებათა კანდიდატი, დოცენტი. 192-1974წწ. და 1990 წელს შესრულებული სამეცნიერო შრომებისთვის მიღებული აქს პრემია.

საკანდიდატო დისერტაციის თემა - "კვერცხის გულის გამოყენების საკითხისათვის 0–დან 3 თვემდე ასაკის ხელოვნურ კვებაზე მყოფ ბავშვთა კვებაში", დაიცვა 1970 წელს.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.278

• ექიმთა სამედიცინო ასოციაცია, წევრი
• პედიატრთა საზოგადოება (1955-)
• პედიატრიის სამეცნიერო კვლევითი ინსტიტუტის საბჭო, წევრი (1984-1992)

• 1975 - სოციალისტურ შეჯიბრებაში გამარჯვებულის სამკერდე ნიშანი