გიორგი ქავთარაძე

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1973 წელს.

1973-1976წწ. იყო  თბილისის სახელმწიფო სამედიცინო ინსტიტუტის ასპირანტი; 1977-1989წწ. იყო ამავე ინსტიტუტის სამკურნალო ფაკულტეტის სუბორდინატორთათვის ჰოსპიტალური თერაპიის კათედრის ასისტენტი; 1989-1991წწ. დოცენტი, 1985 წლიდან კლინიკური ფსიქოლოგიის ლაბორატორიის ხელმძღვანელი; 1996 წლიდან თბილისის სახელმწიფო სამედიცინო უნივერსიტეტის ფსიქოსომატური მედიცინის და ფსიქოთერაპიის ფაკულტეტის დეკანი, თერაპიის №1 კათედრის პროფესორი. ავტორია 56 სამეცნიერო ნაშრომისა, რომელთა ძირითადი პრობლემატიკა ფსიქოსომატურ მედიცინას შეეხება. მისი ხელმძღვანელობით დაცულია 1 სადოქტორო და 7 საკანდიდატო დისერტაცია. თერაპევტი, მედიცინის მეცნიერებათა დოქტორი, პროფესორი.

საკანდიდატო დისერტაციის თემა - "მოგვიანებითი ტიპის ზემგრძნობელობა გულის იშემიური დაავადებების დროს", დაიცვა 1977 წელს.

სადოქტორო დისერტაციის თემა - "გულის იშემიური და ჰიპერტონული დაავადებების პათოგენეზისა და კლინიკის ასპექტები ავადმყოფთა ფსიქოადაპტაციური და ქარაქტეროლოგიური თავისებურებების ჭრილში", დაიცვა 1987 წელს.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.280

• საქართველოს კარდიოლოგთა ასოციაცია, გამგეობის წევრი
• საქართველოს ინტერნისტთა საზოგადოება, ვიცე-პრეზიდენტი

• 1984 - საქართველოს კომკავშირის პრემია