ლელი ქერქაძე

დაბადების ადგილი: ქ. ლანჩხუთი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1945 წელს.

1948-1955წწ. მუშაობდა ექიმ-პედიატრად; 1955-1957წწ. კლინიკურ ორდინატორად; 1958-1961წწ. იყო პედიატრიული ფაკულტეტის ბავშვთა სნეულებათა პროპრდევტიკისა და საფაკულტეტო პედიატრიის კათედრის უფროსი ლაბორანტი; 1961-1970წწ. ასისტენტი, 1970-1983წწ. დოცენტი, 1983-1988წწ. პროფესორი, 1988-1996წწ. კათედრის გამგე, 1996 წლიდან კათედრის პროფესორი. ავტორია 120 სამეცნიერო ნაშრომისა, რომლებიც ეხება ჩვილ ბავშვთა პულმონოლოგიის, ალერგიისა და რევმატიზმის საკითხებს. თანაავტორებთან ერთად მისი რედაქციით გამოცემულია პედიატრიის სახელმძღვანელო(1995), "ნერვული სისტემის პერინატალური დაზიანების შორეული სომატური გართულებები ბავშვებში" (თანაავტორი თ. ტონია, 1996), მისი რედაქციით გამოცემულია "გადაუდებელი მდგომარეობანი ბავშვთა ასაკში"(1997), "პედიატრია" (თანაავტორებთან ერთად, სახელმძღვანელო საშუალო სამედიცინო სასწავლებლებისათვის). მისი ხელმძღვანელობით დაცულია 8 საკანდიდატო და 2 სადოქტორო დისერტაცია. მედიცინის მეცნიერებათა დოქტორი, კათედრის პროფესორი.

საკანდიდატო დისერტაციის თემა - "მასალები შრატის ცილებისა და კოაგულაციური სინჯების ცვლილებების საკითხისათვის ჩვილ ბავშვთა პნევმონიების დროს", დაიცვა 1964 წელს; სადოქტორო დისერტაციის თემა - "პრემორბიდული მდგომარეობისა და ორგანიზმის იმუნორეაქტივების მნიშვნელობა ჩვილ ბავშვთა პნევმონიის პათოგენეზსა და კლინიკურ მიმდინარეობაში", დაიცვა 1979 წელს.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.- გვ.286; წიგნი ღირსებისა: ტ. 3/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.324

• ექიმთა ასოციაცია, ვიცე–პრეზიდენტი
• საერთაშორისო საზოგადოება "საქართველოს ქალები მშვიდობისა და სიცოცხლისათვის", წევრი

• 1998 - ღირსების ორდენი
  მოსახლეობის ჯანმრთელობის დაცვაში შეტანილი დიდი წვლილისათვის, ჯანდაცვის სისტემის რეორიენტაციის პროცესში აქტიური მონაწილეობისა და ნაყოფიერი მოღვაწეობისათვის

• რატომ ტირის ბავშვი? (ავტორი). - თბილისი, 2000. - 6გვ.
• პედიატრია : სახელმძღ. სამედ. უნ-ტისა და ინ-ტების სტუდ. (რედაქტორი). - თბილისი, მედეა, 1995. - 336გვ.