დოდო ქვარცხავა

დაბადების ადგილი: ქ. ზუგდიდი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1966 წელს.

1968-1975წწ. იყო პედიატრიის სამეცნიერო-კვლევითი ინსტიტუტის პათოლოგიური ფიზიოლოგიისა და ფუნქციური დიაგნოსტიკის განყოფილების ექიმი-ენდოკრინოლოგი; 1976-1985წწ. ჩვილ ბავშვთა განყოფილების უმცროსი მეცნიერ-თანამშრომელი; 1985 წლიდან პულმონოლოგიური განყოფილების უფროსი მეცნიერ-თანამშრომელი. ავტორია 58 სამეცნიერო ნაშრომის, 6 მეთოდური რეკომენდაციის, რომლებიც ეხება ალერგიის, სასუნთქი სისტემის სიხშირეს, იმუნურ სისტემას. სამეცნიერო-პრაქტიკულ ხელმძღვანელობას უწევდა ორდინატორების მომზადებას, სამეცნიერო კონფერენციებზე ახალგაზრდა მეცნიერთა თემების მომზადებას. მედიცინის მეცნიერებათა კანდიდატი.

საკანდიდატო დისერტაციის თემა - "ერითროციტების ენერგეტიკული ცვლის დარღვევა ალერგიული დიათეზის დროს ადრეული ასაკის ბავშვებში და მისი ნორმალიზაციის გზები", დაიცვა 1981 წელს.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.- გვ.286

• საერთაშორისო საზოგადოება "საქართველოს ქალები მშვიდობისა და სიცოცხლისათვის", წევრი
• საქართველოს პედიატრთა საზოგადოება, წევრი
• საქართველოს ალერგოლოგთა საზოგადოება, წევრი