მანანა ქორიძე

დაბადების ადგილი: ქ. ფოთი.

დაამთავრა მოსკოვის მეორე სამედიცინო ინსტიტუტის სამკურნალო ფაკულტეტი 1973 წელს.

1973-1976წწ. იყო მოსკოვის პირველი საავადმყოფოს მეანობა-გინეკოლოგიის კათედრის ინტერნი, კლინიკური ორდინატორი; 1976-1985წწ. ხობის რაიონის მთავარი მეან-გინეკოლოგი, ხობის რაიონული საავადმყოფოს სამეანო-გინეკოლოგიური განყოფილების გამგე; 1985-1989წწ. აკადემიკოს კ. ჩაჩავას სახელობის პერინატალური მედიცინისა და მეანობა-გინეკოლოგიის სამეცნიერო-კვლევითი ინსტიტუტის უფროსი მეცნიერ-თანამშრომელი, 1989 წლიდან ამავე ინსტიტუტის წამყვანი სპეციალისტი. არის 14 სამეცნიერო ნაშრომის ავტორი, მათ შორისაა მონოგრაფია: "ნაყოფის და ახალშობილის ენერგეტიკული ცვლის ოპტიმალური საკითხების შესწავლა და მეცნიერული დასაბუთება"(1993). მეან-გინეკოლოგი, მედიცინის მეცნიერებათა კანდიდატი.  არის  საქართველოს დავით აღმაშენებლის სახელობის უნივერსიტეტის პრაქტიკულ სამეცნიერო ხელმძღვანელი.

საკანდიდატო დისერტაციის თემა - "ხელოვნური აბორტების დროს სტეროიდული ჰორმონების სეკრეცია და სიმპატიკო-ადრენალური სისტემის რეაქცია", დაიცვა 1987 წელს.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.- გვ.288