ქეთევან გოგოლაძე

დაბადების ადგილი: ქ. ბათუმი.

დაამთავრა ბათუმის მუსიკალური სასწავლებელი 1963 წელს, ვანო სარაჯიშვილის სახელობის თბილისის სახელმწიფო კონსერვატორია 1968 წელს (საფორტეპიანო, ორგანი).

1969–1977წწ. იყო თბილისის III მუსიკალური სასწავლებლის პედაგოგი(ფორტეპიანო); 1974–1995წწ. საქართველოს განათლების სამინისტროს სამხატვრო სკოლა–ათწლედის პედაგოგი (ფორტეპიანო); 1990–1995წწ. ვ. სარაჯიშვილის სახელობის თბილისის სახელმწიფო კონსერვატორიის პედაგოგი, მომზადებისა და მეთოდიკის კათედრის მეცნიერ–თანამშრომელი; 1999–2004წწ. ბადენ–ვიუთენბერგის(გერმანია) გრენცახის ეკლესიის ორგანისტი; 2002–2004წწ. ლორახის კარიტასის საზოგადოებაში სასწავლო–კრეატიული პროგრამის ხელმძღვანელი; 2004 წლიდან ქ. ბათუმის ზ. ფალიაშვილის სახელობის სახელმწიფო კონსერვატორიის რექტორი, 2004 წლიდან აქვე პედაგოგი (სპეციალური ფორტეპიანო, მეთოდიკა); 2005 წელს დააარსა "ბათუმის ფოლკლორული და სასულიერო მუსიკის საერთაშორისო ფესტივალი-კონფერენცია"; 2006–2009წწ. ბათუმის შ. რუსთაველის სახელობის სახელმწიფო უნივერსიტეტ–კონსერვატორიის დირექტორი, პედაგოგი (ფორტეპიანო, მეოდიკა); 2009–2012წწ. ბათუმის ხელოვნების უნივერსიტეტის მუსიკალური ფაკულტეტის, მუსიკალური პედაგოგიკის, მუსიკალური თეორიის, ეთნომუსიკოლოგიის, საორკესტრო და აკადემიური გუნდის დირიჟორობის დეპარტამენტის ხელმძღვანელი; 2006 წლიდან სრული პროფესორი, 2012 წლიდან ემერიტუსი; პიანისტი, ორგანისტი, მოყვარული მხატვარი.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 116