ვენერა ქოიავა

დაბადების ადგილი: სოფელი საკაჭარაო(აბაშის რაიონი).

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1938 წელს.

1938-1939წწ. იყო თბილისის სისხლის გადასხმის ინსტიტუტის ასპირანტი; 1939 წელს დაბა აბაშის პოლიკლინიკის სისხლის გადასხმის ლაბორატორიის გამგე; 1939-1941წწ. თბილისის სახელმწიფო სამედიცინო ინსტიტუტის ჰოსპიტალური ქირურგიის ასპირანტი; 1941-1945წწ. მონაწილეობდა მეორე მსოფლიო ომში. ავტორია 40 სამეცნიერო ნაშრომისა, რომლებიც ეხება სახსარშიდა მოტეხილობებს, ზედა-ქვედა კიდურების მოტეხილობებს, მათ მკურნალობას და შორეულ შედეგებს, ტრავმატიზმის საკითხებს, ბარძაყის თავის ცენტრალურ ამოვარდნილობას, მუხლის სახსრის დაზიანებას, კვირისთავის მოტეხილობებს, მათ მკურნალობას, ტერფის თანდაყოლილი დეფორმაციის ტერმინოლოგიას(თანდაყოლილი ტერფმრუდობა), მყეს-იოგოვანი აპარატის ჰისტოპათოლოგიურ გამოკვლევას, ტერფის ძვლების რენტგენოლოგიურ  გამოკვლევას და სხვ. ხელმძღვანელობდა სამეცნიერო-პრაქტიკულ მუშაობას ექიმთა დიპლომის შემდგომი განათლების სახელმწიფო სამედიცინო აკადემიის ტრავმატოლოგიისა და ორთოპედიის კათედრაზე. ორთოპედ-ტრავმატოლოგი. მედიცინის მეცნიერებათა კანდიდატი, დოცენტი.  მიღებული აქვს სახელმწიფო ჯილდოები. მრავალი წელი ხელმძღვანელობდა ომის ვეტერანთა კლუბს.

საკანდიდატო დისერტაციის თემა - "თანდაყოლილი ტერფმრუდობის მკურნალობის საკითხისათვის ბავშვთა ასაკში", დაიცვა 1955 წელს.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.- გვ.288