აკაკი დუმბაძე

დაბადების ადგილი: სოფელი გეგელიძეები, ქედის რაიონი.

დაამთავრა თბილისის სახელმწიფო უნივერსიტეტის მექანიკა-მათემატიკის ფაკულტეტი მექანიკის სპეციალობით 1966 წელს.

1966-1971წწ. მუშაობდა საქართველოს მეცნიერებათა აკადემიის მექანიკა მათემატიკის ინსტიტუტში (პოლიმერების განყოფილებაში), 1972-1994წწ. საქართველოს კ. ზავრიევის სახელობის სამშენებლო მექანიკისა და სეისმომედეგობის ინსტიტუტის პოლიმერების ცოცვადობისა და ხანგრძლივი სიმტკიცის განყოფილებაში; 1994 წლიდან საქართველოს საავიაციო უნივერსიტეტის სრული პროფესორია; 1995-2005წწ. იყო ამავე უნივერსიტეტის თვითმფრინავმშენებლობის კათედრის გამგე. მისი სამეცნიერო მოღვაწეობის ძირითადი მიმართულებით ჩატარებული კვლევები ეხება, დრეკადბლანტი სხეულების მექანიკას; კერძოდ, თხელკედლიანი გარსული კომპოზიტური კონსტრუქციების ცოცვადობაზე და ხანგრძლივ სიმტკიცეზე გაანგარიშებას, ცვლადი დატვირთვების აგრესიული გარემოსა და ტემპერატურული (მაღალი) ზემოქმედების გათვალისწინებით. კვლევებისადმი ახალი, ორიგინალური მიდგომების გამოყენებით, რაც ემყარება ცნობილი კომპლექსური ცვლადის ფუნქციათა თეორიის აპარატს, მან შეიმუშავა გარსთა თეორიის სივრცული ამოცანების ბრტყელ ამოცანებზე მიყვანის ხერხი, რის საფუძველზე გაანგარიშებულია ისეთი ბრუნვითი კომპოზიციური გარსები, რომელთაც შეერთების მრუდი საზღვარი გააჩნიათ. მიღებული აქვს აკადემიკოს სერგეი კოროლიოვის სახელობის მედალი. ტექნიკურ მეცნიერებათა დოქტორი (1994), პროფესორი (1997).

წყარო: საქართველო: ენციკლოპედია: ტ.2. - თბ., 2012. - გვ.507; საქართველოს მათემატიკოსები და მექანიკოსები: ბიოგრაფიული ცნობარი/ნოდარ მახვილაძე. -თბ., 2016. -გვ.216

• საქართველოს საინჟინრო აკადემია, ნამდვილი წევრი (2005-)

• 2000 - ღირსების ორდენი

• კომპოზიტური ტანის მექანიკა : სახელმძღვ. (ავტორი). - თბილისი, საქ. საავიაციო უნ-ტი, 2015. - 294გვ. . - ISBN: 9789941078064
• მექანიკა: თეორიული მექანიკა : სახელმძღვანელო საინჟ. პროფ. სტუდენტებისათვის (ავტორი) // წ. 2: თეორიული მექანიკა "დინამიკა". - თბილისი, ინტელექტი, 2010. - 354გვ.. - ISBN: 9789941026294
• მექანიკა. მასალათა გამძლეობა კომპოზიციური ტანის მექანიკის ელემენტებით : სახელმძღვ. (ავტორი). - თბილისი, ინტელექტი, 2009. - 186გვ. . - ISBN: 9789941410529
• მექანიკა: თეორიული მექანიკა : სახელმძღვანელო საინჟ. პროფ. სტუდენტებისათვის (ავტორი) // წ. 1 (სტატიკა და კინემატიკა) . - თბილისი, ინტელექტი, 2009. - 202გვ.