ლალი ღლონტი

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტის პედიატრიული ფაკულტეტი 1966 წელს.

1966-1968წწ. იყო "მედტექნიკის" სპეციალიზებული №1 აფთიაქის ოკულისტი; 1966-1971წწ. თბილისის სახელმწიფო სამედიცინო ინსტიტუტის სამკურნალო ფაკულტეტის ნერვულ სნეულებათა კათედრის დაუსწრებელი სწავლების ასპირანტი; 1971-1993წწ. ამავე კათედრის უფროსი ლაბორანტი; 1971-1993წწ. ასისტენტი, 1993 წლიდან აღნიშნული კათედრის დოცენტი. ავტორია 43 სამეცნიერო ნაშრომისა, ნერვული სისტემის მემკვიდრულ დაავადებათა სხვადასხვა პრობლემებზე. გამოქვეყნებული აქვს ერთი დამხმარე სახელმძღვანელო სამედიცინო ინსტიტუტის სტუდენტებისათვის: სასწავლო ამოცანები პროგრამირებული კონტროლის ელემენტებით თემაზე: "ნერვული სისტემის დაავადებები"(1995). არის რესპუბლიკური ცენტრალური კლინიკური საავადმყოფოს ენდოკრინოლოგიური განყოფილების კონსულტანტი. ნევროლოგი, მედიცინის მეცნიერებათა კანდიდატი, დოცენტი.

საკანდიდატო დისერტაციის თემა - "კუნთთა პროგრესული დისტროფიების კლინიკურ-გენეტიკური ანალიზი საქართველოს მოსახლეობაში", დაიცვა 1975 წელს.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.- გვ.296; fortuna.ge

• თბილისის ნევროპათოლოგთა და ფსიქიატრთა სამეცნიერო საზოგადოება , წევრი

• 1971 - მედალი "ჯანმრთელობის დაცვის ფრიადოსანი"