ლეილა ღლონტი

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1943 წელს.

1943-1945წწ. იყო ე/გ  2458-ე ქირურგიული განყოფილების უფროსი; 1945-1951წწ. ამიერკავკასიის სამხრეთ-საჰაერო სპეც. დანიშნულების დასასვენებელი სახლის ექიმი; 1951-1955წწ. თბილისის კურორტოლოგიისა და ფიზიოთერაპიის სამეცნიერო-კვლევითი ინსტიტუტის კლინიკური ორდინატორი; 1956-1960წწ. კურორტ გაგრის მთავარი ექიმი, სანატორიუმ "ნეფტიანიკის" განყოფილების გამგე; 1960-1962წწ. საქართველოს პროფკავშირების მთავარი საკურორტო სამმართველოს სამკურნალო-პროფილაქტიკური განყოფილების გამგე; 1963 წლიდან იყო კურორტოლოგიისა და ფიზიოთერაპიის სამეცნიერო-კვლევითი ინსტიტუტის ფიზიოთერაპიის განყოფილების მეცნიერ-თანამშრომელი, სწავლული მდივანი, ფიზიოლოგიური განყოფილების გამგე, უმცროსი მეცნიერ-თანამშრომელი. ავტორია 45 სამეცნიერო ნაშრომის, 12 რაციონალიზატორული წინადადების და 2 გამოგონების, რომლებიც ეხება კურორტული და პრეფორმირებული ფიზიკური ფაქტორების გამოყენებას სხვადასხვა დაავადების მკურნალობაში. ხელმძღვანელობდა რესპუბლიკის საკურორტო და სამკურნალო-პროფილაქტიკური დაწესებულებების ექიმებისა და ექთნების  სისტემურ მომზადებას ფიზიოთერაპიაში. ფიზიოთერაპევტი, მედიცინის მეცნიერებათა კანდიდატი, უფროსი მეცნიერ-თანამშრომელი. უმაღლესი საკვალიფიკაციო კატეგორიის ექიმი-ფიზიოთერაპევტი.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.- გვ.296

• ლ. ჯავახიშვილის სახელობის კურორტოლოგიისა და ფიზიოთერაპევტთა სამეცნიერო საზოგადოება, სწავლული მდივანი

• 1968 - საქართველოს დამსახურებული ექიმი
• 1958 - მედალი "ჯანმრთელობის დაცვის ფრიადოსანი"