კონსტანტინე ყიფიანი

დაბადების ადგილი: ქ. სოხუმი.

დაამთავრა ორენბურგის სახელმწიფო სამედიცინო ინსტიტუტის სამკურნალო ფაკულტეტი 1969 წელს.

1969–1971წწ. იყო ორენბურგის მე–3 საგზაო კლინიკური საავადმყოფოს ქირურგი; 1971–1975წწ. კლინიკური ორდინატურა გაიარა მოსკოვში კლინიკური და ექსპერიმენტული ინსტიტუტის სისხლძარღვთა ქირურგიაში; 1975–1991წწ. მუშაობდა ქირურგიის ინსტიტუტში უფროს მეცნიერ–თანამშრომლად; 1991 წლიდან ანგიოლოგიისა და სისხლძარღვთა ქირურგიის ცენტრის დირექტორი. ავტორია 95 სამეცნიერო ნაშრომის. სისხლძარღვთა ქირურგი, მედიცინის მეცნიერებათა დოქტორი.

საკანდიდატო დისერტაციის თემა - "ფეოქრომოციტომის დიაგნოსტიკა და ქირურგიული მკურნალობა", დაიცვა 1975 წელს; სადოქტორო დისერტაციის თემა - "ვაზორენალური ჰიპერტენზია ავადმყოფებში ერთადერთი მოფუნქცირე თირკმლით", დაიცვა 1989 წელს.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ. - 2000.- გვ.300; წიგნი ღირსებისა: ტ. 1/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2000. - გვ.206

• საქართველოს მედიკო–ბიოლოგიური აკადემია, აკადემიკოსი

• 1994 - მედალი "საბრძოლო დამსახურებისთვის"