ედუარდ ყაზაიშვილი

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტის სანიტარულ-ჰიგიენური ფაკულტეტი 1959 წელს.

1959-1961წწ. მუშაობდა მოსკოვის რკინიგზის პოლიკლინიკაში თერაპევტად; 1961-1964წწ. იყო საქართველოს სამოქალაქო ავიაციის უფროსი სანიტარული ექიმი; 1964-1972წწ. სსრკ სამედიცინო აკადემიის უროლოგიის ინსტიტუტის უმცროსი მეცნიერ-თანამშრომელი; 1972-1976წწ. I კლინიკური საავადმყოფოს ექიმი-უროლოგი; 1976-1996წწ. ექიმთა დახელოვნების ინსტიტუტის უფროსი ლაბორანტი, 1996 წლიდან ექიმთა დიპლომისშემდგომი განათლების სახელმწიფო სამედიცინო აკადემიის უროლოგიის კათედრის ასისტენტი. არის 26 სამეცნიერო ნაშრომის ავტორი. უროლოგი, მედიცინის მეცნიერებათა კანდიდატი.

საკანდიდატო დისერტაციის თემა - "წინამდებარე ჯირკვლის ადენომის სტრუქტურულ-ჰისტოქიმიური თავისებურებანი", დაიცვა 1972 წელს.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.- გვ.298

• ევროპის უროლოგთა ასოციაცია, წევრი

• შრომის ვეტერანის მედალი