ზაზა ყანჩაველი

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტის პედიატრიული ფაკულტეტი 1980 წელს.

1980-1982წწ. გაიარა კლინიკური ორდინატურის კურსი; 1982-1988წწ. იყო თბილისის სახელმწიფო სამედიცინო ინსტიტუტის ნეიროქირურგიის  კათედრის უმცროსი მეცნიერ-თანამშრომელი; 1988 წლიდან კ. ერისთავის სახელობის ექსპერიმენტული და კლინიკური ქირურგიის ინსტიტუტის უფროსი მეცნიერ-თანამშრომელი. მუშაობდა კლინიკური და ექსპერიმენტული ნევროლოგიის ინსტიტუტში, თბილისის I კლინიკურ საავადმყოფოში. ავტორია 100-მდე სამეცნიერო ნაშრომისა თანამედროვე ნევროლოგიისა და ნეიროქირურგიის აქტუალურ საკითხებზე. გამოქვეყნებული აქვს მონოგრაფია: "პროლაქტინ-მასეკრეტირებელი ადენომების კლინიკა, დიაგნოსტიკა და მკურნალობა"(1987). 1981-1983 და 1988-1989 წლებში სტაჟირებას გადიოდა მოსკოვის ნევროლოგიის, ნეიროქირურგიისს და კიევის ნეიროქირურგიის ინსტიტუტებში. ნეიროქირურგი, მედიცინის მეცნიერებათა დოქტორი, პროფესორი. მსოფლიოს ნეიროქირურგთა კონგრესის საერთაშორისო ექსპერტი.

საკანდიდატო დისერტაციის თემა - "პროლაქტინ-მასეკრეტირებელი ადენომების კლინიკური მიმდინარეობის თავისებურებანი", დაიცვა 1987 წელს.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.- გვ.298

• მსოფლიოს ნეიროქირურგთა კონგრესი, წევრი
• საქართველოს ნეიროქირურგთა საზოგადოება, მდივანი (1996-)
• საქართველოს სამხედრო–სამედიცინო აკადემია, წევრ–კორესპონდენტი