გიორგი ყიფიანი

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტის სტომატოლოგიური ფაკულტეტი 1984 წელს.

1984-1989წწ. - თბილისის სახელმწიფო სამედიცინო ინსტიტუტის თერაპიული სტომატოლოგიის კათედრის კლინიკური ორდინატორი, ასპირანტი. აღნიშნულ პერიოდში მივლინებული იყო ქ. მოსკოვში სტომატოლოგიის ცენტრალურ სამეცნიერო კვლევით ინსტიტუტში; 1990-1995წწ. - თბილისის სახელმწიფო სამედიცინო ინსტიტუტის თერაპიული სტომატოლოგიის კათედრის ასისტენტი; 1995-2004წწ. - ბავშვთა ასაკის სტომატოლოგიისა და სტომატოლოგიურ დაავადებათა პროფილაქტიკის კათედრის ასისტენტი, დოცენტი, პროფესორი; 2001-2006წწ. - თბილისის სახელმწიფო სამედიცინო უნივერსიტეტის ბავშვთა 1 სტომატოლოგიური პოლიკლინიკის დირექტორი; 2004 წელს - ბავშვთა ასაკის სტომატოლოგიისა და სტომატოლოგიურ დაავადებათა პროფილაქტიკის კათედრის პროფესორი; 2004-2005წწ. - სტომატოლოგიური ფაკულტეტის დეკანი; 2005-2008წწ. - ბავშვთა ასაკის სტომატოლოგიისა და სტომატოლოგიურ დაავადებათა პროფილაქტიკის დეპარტამენტის ასოცირებული პროფესორი; 2008 წლიდან - შ.პ.ს. "ავერსის" კლინიკის სტომატოლოგიის სამსახურის უფროსი. არა ერთი ადგილობრივი და საერთაშორისო მნიშვნელობის სამეცნიერო-პრაქტიკული კონფერენციის მონაწილე. დასახებულ იქნა, 1997-1998 სასწავლო წლის თბილისის სახელმწიფო სამედიცინო უნივერსიტეტის საუკეთესო პედაგოგად. 38 სამცნიერო შრომის ავტორი. ექიმი-სტომატოლოგი, მედიცინის მეცნიერებათა დოქტორი (2003), პროფესორი.

საკანდიდატო დისერტაციის თემა - "კბილის კარიესის კლინიკა და მკურნალობა კარიესის აქტივობის სხვადასხვა ხარისხის დროს ქ. თბილისის ბავშვებში", დაიცვა 1989 წელს; სადოქტორო დისერტაციის თემა - "ქრონიკული ტონზილოპათიების როლი კბილის კარიესის პათოგენეზში", დაიცვა 2003 წელს.

წყარო: ვინ ვინაა თანამედროვე ქართულ სამედიცინო მეცნიერებაში: თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.- გვ.298; საქართველოს მეცნიერებათა დოქტორები, 1992-2006/შემდგ. და რედ.: ირინა ჯაფარიძე. -თბ., 2012. -გვ.375; mkurnali.ge

• საქართველოს სტომატოლოგთა პროფესიონალური ასოციაცია, ვიცე–პრეზიდენტი (2009-)