ნაზი დუმბაძე

დაბადების ადგილი: ქ. თბილისი.

დაამთავრა თბილისის ილია ჭავჭავაძის სახელობის უცხო ენათა პედაგოგიური ინსტიტუტი ფრანგული და ესპანური ენების განხრით 1955 წელს.

სიმღერა დაიწყო ინსტიტუტის თვითმოქმედ კოლექტივში; 1956 წლიდან იყო საქართველოს სახელმწიფო ფილარმონიის სოლისტი; მღეროდა სხვადასხვა საესტრადო კოლექტივში; "ლალე" (1956-1957, ხელმძღ. ე. სეფაშვილი), "რერო" (1957-1969, ხელმძღ. კ. პევზნერი), "დიელო" (1969-1971, ხელმძღ. ა. ებრალიძე), "ჯაზ-ქორალი" (1971-1972, ხელმძღ. ა. კილაძე); მის რეპერტუარში განსაკუთრებული ადგილი უჭირავს ქართველ კომპოზიტორთა ნაწარმოებებს, რომელთაგან აღსანიშნავია: დ. არაყიშვილის "ურმული", გ. ცაბაძის "ჯარისკაცის დედა", "ლალე", "პაემანზე", ო. თევდორაძის "სიყვარული მოგვრევია"; 1956 წელს გახდა მოსკოვის სტუდენტი ახალგაზრდობის საერთაშორისო ფესტივალის ლაურეატი. ესტრადის მომღერალი.

წყარო: საქართველო: ენციკლოპედია: ტ.2. - თბ., 2012. - გვ.509; წიგნი ღირსებისა: ტ. 5/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.50

• 2000 - ღირსების ორდენი
• 1967 - საქართველოს დამსახურებული არტისტი