ვლადიმერ გრიგოლაშვილი

დაბადების ადგილი: ქ. თბილისი.

დაამთავრა ვანო სარაჯიშვილის სახელობის თბილისის სახელმწიფო კონსერვატორია 1972 წელს (მუსიკის თეორია).

1973 წლიდან მუშაობდა განათლების სამინისტროს ესთეტიკური აღზრდის სამეცნიერო მეთოდურ კაბინეტში, მეთოდისტად; 1975 წლიდან იყო საქართველოს ტელერადიომაუწყებლობის მუსიკალურ გადაცემათა რედაქტორი, 120–ზე მეტი მუსიკალური ტელე და რადიო გადაცემის ავტორი; დააარსა გადაცემა "დილის ტალღაზე", რომელმაც ფართო პოპულარობა მოიპოვა; 1983 წლიდან მუშაობდა საცირკო და საესტრადო ხელოვნების სასწავლებელში, სადაც დააარსა საგანი "ჯაზური და თანამედროვე მუსიკის სტილების ისტორია"; 1987–1993წწ. იყო საქართველოს კომპოზიტორთა კავშირში მუსიკალური ინფორმაციისა და პროპაგანდის დირექტორი; 1988 წელს დააარსა და მისი რედაქტორორბით გამოდიოდა ჟურნალი "Грузия музыкальная" (რუსულ ენაზე) და "Giorgia muzikal" (ინგლისურ ენაზე); იყო 30–მდე სტატიის ავტორი; 1992 წელს ვლადიმერ გრიგოლაშვილი და მის მიერ დაარსებული საქართველოს მუსიკალურ ინფორმაციული ცენტრი გახდა იუნესკოსთან არსებული მუსიკალურ საინფორმაციო ცენტრების ასოციაციის (IAMIC) წევრი; ის შეყვანილია მსოფლიო ჟურნალისტების ენციკლოპედიურ ლექსიკონში.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 125

• საქართველოს ჟურნალისტთა კავშირი, წევრი (1983-19??)
• სსრკ ჟურნალისტთა კავშირი, წევრი (1982-19??)