მელენტი ყურაშვილი

დაბადების ადგილი: სოფელი ჯოლევი, მარტვილის რაიონი.

დაამთავრა თბილისის სახელმწიფო სამედიცინო ინსტიტუტის პედიატრიული ფაკულტეტი 1940 წელს.

1940-1946წწ. იყო საბჭოთა არმიის სხვადასხვა შენაერთების უფროსი ექიმი; 1947-1973წწ. თბილისის შრომის ჰიგიენის დაავადებათა ინსტიტუტის შრომის ჰიგიენის განყოფილების გამგე; 1971-1973წწ. თბილისის სახელმწიფო სამედიცინო ინსტიტუტის შრომის ჰიგიენის კურსის დოცენტი; 1974-1991წწ. თბილისის სახელმწიფო სამედიცინო ინსტიტუტის შრომის ჰიგიენისა და პროფესიულ დაავადებათა კათედრის გამგე; 1991 წლიდან ამავე კათედრის პროფესორი. ავტორია 135 სამეცნიერო ნაშრომისა, რომლებიც ეხება პროფესიული ჰიგიენის აქტუალურ საკითხებს. გამოქვეყნებული აქვს მონოგრაფიები: "უსაფრთხოების წესები შახტებში მომუშავეთათვის"(1955), "მეტეოროლოგიური პირობების ჰიგიენური დახასიათება ზესტაფონის ფეროშენადნობთა ქარხანაში"(1957), "ჩაისა და ციტრუსების ფუმოგაციაზე მომუშავეთა ციანოვანი შენაერთებით მოწამვლის კლინიკა, მკურნალობა და პროფილაქტიკა"(1966), "რა უნდა იცოდეს ცხელი საამქროს მუშამ შრომის ჰიგიენაში"(1955), "მეთოდური სახელმძღვანელო შრომის ჰიგიენაში"(1989). მისი ხელმძღვანელობით დაცულია 8 საკანდიდატო და 2 სადოქტორო დისერტაცია. ექიმი-ჰიგიენისტი, მედიცინის მეცნიერებათა დოქტორი, პროფესორი. 

საკანდიდატო დისერტაციის თემა - "მეტეოროლოგიური პირობებისა და სასმელი რეჟიმის ჰიგიენური დახასიათება ზესტაფონის ფეროშენადნობთა ქარხანაში", დაიცვა 1958 წელს.

სადოქტორო დისერტაციის თემა - "ამიერკავკასიის შავი მეტალურგიის საწარმოების ცხელი საამქროების მიკროკლიმატის ჰიგიენის ძირითადი საკითხები", დაიცვა 1970 წელს.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.- გვ.302

• მეორე მსოფლიო ომის ვეტერანთა ასოციაცია, ვიცე-პრეზიდენტი
• პროფილაქტიკური მედიცინისა და ადამიანის ეკოლოგიის აკადემია, წევრი (1997-)
• სამეცნიერო-საატესტაციო და საფაკულტეტო საბჭო , წევრი
• საქართველოს მედიკო–ბიოლოგიურ მეცნიერებათა აკადემია, წევრი
• ჰიგიენისტთა სამეცნიერო საზოგადოება, წევრი

• 1997 - ღირსების ორდენი
• 1985 - სამამულო ომის II ხარისხის ორდენი
• 1982 - საქართველოს მეცნიერებათა დამსახურებული მოღვაწე
• 1944 - წითელი ვარსკვლავის ორდენი

• ადამიანის ჯანსაღი და ხანგრძლივი სიცოცხლის საიდუმლოებანი (ავტორი). - თბილისი, 2001. - 161გვ.
• მეთოდური სახელმძღვანელო შრომის ჰიგიენაში : სანიტარულჰიგიენ. ფაკ. სტუდ. (ავტორი). - თბილისი, 1989. - 49გვ.
• ჩაის და ციტრუსების ფუმიგაციაზე მომუშავეთა ციანოვანი შენაერთებით მოწამვლის კლინიკა, მკურნალობა და პროფილაქტიკა. (ავტორი). - თბილისი, საბჭ.საქართველო, 1966. - 25გვ.