მიხეილ ყუფარაძე

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტი 1945 წელს.

1946-1947წწ. იყო სოფ. ჭალადიდისა და ლეძაძამეს(სენაკის რაიონი) უბნის ექიმი; 1946-1947წწ. რუსთავის საავადმყოფოს ქირურგიული განყოფილების ორდინატორი; 1948-1949წწ. ლენინგრადის ქირურგიული ტუბერკულოზის სამეცნიერო-კვლევითი ინსტიტუტის კლინიკური ორდინატორი; 1949-1952წწ. ამავე ინსტიტუტის ასპირანტი, 1952-1957წწ. უფროსი მეცნიერ-თანამშრომელი; 1957-1961წწ. ტუბერკულოზის სამეცნიერო-კვლევითი ინსტიტუტის ძვალ-სახსრის განყოფილების უფროსი მეცნიერ-თანამშრომელი; 1961-1962წწ. ამავე ინსტიტუტის დირექტორის მოადგილე სამეცნიერო ნაწილში; 1962-1964წწ. ტრამვატოლოგიისა და ორთოპედიის სამეცნიერო-კვლევითი ინსტიტუტის დირექტორი; 1964 წელს ამავე ინსტიტუტის დირექტორის მოადგილე სამეცნიერო ნაწილში; 1964-1970წწ. ექიმთა დახელოვნების ინსტიტუტის ტრამვატოლოგიისა და ორთოპედიის კათედრის პროფესორი, სახსრისა და ძვლის ტუბერკულოზის კურსის ხელმძღვანელი; 1970-1981წწ. ტუბერკულოზის სამეცნიერო-კვლევითი ინსტიტუტის ძვალ-სახსრის ტუბერკულოზის განყოფილების ხელმძრვანელი; 1981-1987წწ. ამავე ინსტიტუტის ფილტვგარეშე ტუბერკულოზის განყოფილების ხელმძღვანელი. ავტორია 41 სამეცნიერო ნაშრომისა, რომლებიც ეხება ძვლების და სახსრების დაავადებათა აქტიურ საკითხებს. გამოქვეყნებული აქვს მეთოდური წერილები: "ძვალ-სახსრის ტუბერკულოზი"(1969), "ძვალ-სახსრის ტუბერკულოზის რენტგენოგრაფიის ტექნიკა"(1973), სახელმძღვანელოები. მისი ხელმძღვანელობით დაცულია 4 საკანდიდატო დისერტაცია. სახსრებისა და ძვლების ტუბერკულოზის სპეციალისტი, ფტიზიოორთოპედი, მედიცინის მეცნიერებათა დოქტორი, პროფესორი.

საკანდიდატო დისერტაციის თემა - "ძვალ-სახსრის ტუბერკულოზის ნაწვეთი აბსცესი ექსპერიმენტში", დაიცვა 1953 წელს.

სადოქტორო დისერტაციის თემა - "ძვალ-სახსრის ტუბერკულოზის დროს ნერვული სისტემის ფუნქციური მდგომარეობა", დაიცვა 1960 წელს.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.- გვ.303

• საქართველოს მედიცინის მეცნიერებათა აკადემია , აკადემიკოსი

• სახსრისა და ძვლის ტუბერკულოზის დიფერენცირებული დიაგნოზი (ავტორი). - თბილისი, საქართველო, 1997. - 203გვ.
• სახსრის და ძვლის ტუბერკულოზი : ცნობარი (ავტორი). - თბილისი, საქართველო, 1990. - 197გვ.
• ხერხემლის ტუბერკულოზის ქირურგიული მკურნალობა (ავტორი). - თბილისი, საბჭ.საქართველო, 1966. - 236გვ.