ცისანა შარაშენიძე

დაბადების ადგილი: ასპინძის რაიონი.

დაამთავრა თბილისის სახელმწიფო სამედიცინო ინსტიტუტის პედიატრიული ფაკულტეტი 1960 წელს.

1969-1972წწ. სწავლობდა თბილისის სახელმწიფო სამედიცინო ინსტიტუტის ასპირანტურაში; მუშაობდა თბილისის I კლინიკური საავადმყოფოს ბავშვთა განყოფილებაში, ბავშვთა №6 პოლიკლინიკაში, თბილისის სახელმწიფო სამედიცინო ინსტიტუტში ასისტენტად, 1991 წლიდან თბილისის სახელმწიფო სამედიცინო უნივერსიტეტის პედიატრიისა და მოზარდთა მედიცინის კათედრის დოცენტი. ავტორია 40 სამეცნიერო ნაშრომის და 2 მეთოდური რეკომენდაციისა, რომლებიც ეხება ფსიქოსომატიკას, ინფექციურ-ალერგიულ დაავადებათა  თავისებურებებს, თავის ტვინის ფუნქციონალური ასიმეტრიის ფსიქოსომატურ მდგომარეობას, სწავლების პროფილირებას, ცაციაობას, ბრონქოპულმონალური დაავადებების პათოგენეზის საკითხებს, ალერგიის, იმუნოლოგიის, ენდოკრინოლოგიის პრობლემებს. პედიატრი, მედიცინის მეცნიერებათა კანდიდატი, დოცენტი.

საკანდიდატო დისერტაციის თემა - "თირკმელზედა ჯირკვლის ქერქის ფუნქცია მშობიარეებსა და მათ ახალშობილებში სისხლის ABO ჯგუფური შეთავსების მიხედვით".

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.- გვ.307

• საქართველოს პედიატრთა საზოგადოება, წევრი

• პედიატრია : სახელმძღვ. სამედ. უნ-ტისა და ინ-ტების სპეც. სტუდ. (თანაავტორი). - თბილისი, მედეა, 2001. - 336გვ