ზაალ ებანოიძე

დაბადების ადგილი: სოფელი დიმი, ბაღდათის რაიონი.

დაამთავრა საქართველოს სასოფლო-სამეურნეო ინსტიტუტი 1971 წელს.

1957 წელს პირველი ლექსები გამოაქვეყნა; 1973 წელს პირველი გამოცემა "ლექსები" დაისტამბა; ავტორია პოეტური კრებულებისა: "მთვარის კელაპტარი" (1977), "წვიმის შვილი" (1979), "იწყება აღმართი" (1981), "ხატი მამული" (1985), "ციდან დასარეკი ზარები" (1986), "მარადიული რთველი" (1989), "პოემები" (1990), "რჩეული" (2008), "70 ლექსი"(2009); მას ეკუთვნის წერილების კრებული - "ფიქრები პოეზიაზე" (1998); ავტორია აგრეთვე საბავშვო ლექსებისა; მისი პოეზია გამოირჩევა ვერსიფიკაციული მრავალფეროვნებით, თუმცა ძირითადად ქართული კლასიკური პოეზიის ტრადიციებს ემყარება.

წყარო: საქართველო: ენციკლოპედია: ტ.2. - თბ., 2012. - გვ.527; წიგნი ღირსებისა: ტ. 5 / შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.102; ქართველი პოეტები : ენციკლოპედია / შეადგინა ალექსანდრე ელერდაშვილმა.- თბ.,2021.- გვ.126

• 2010 - გალაკტიონ ტაბიძის სახელობის პრემია
• 2006 - ლადო ასათიანის სახელობის პრემია
• 2000 - ღირსების ორდენი

• წერილები პოეზიაზე (ავტორი). - ბათუმი, აჭარა, 1998. - 105გვ.
• პოემები (ავტორი). - თბილისი, მერანი, 1990. - 119გვ.
• მარადიული რთველი : ლექსები და პოემები (ავტორი). - თბილისი, საბჭ. საქართველო, 1989. - 267გვ.