ნუგრაზ ებანოიძე

დაბადების ადგილი: ქ. ხობი

დაამთავრა საქართველოს სუბტროპიკული მეურნეობის ინსტიტუტი 1965 წელს.

ინსტიტუტის დამთავრების შემდეგ, რამდენიმე წელი მუშაობდა ხობის "საქსოფლტექნიკაში" ინჟინრად, შემდგომ - სოხუმის ინდუსტრიულ ტექნიკუმში მასწავლებლად; 1969-1971წწ. - სწავლობდა საქართველოს სუბტროპიკული მეურნეობის ინსტიტუტის ასპირანტურაში, რომლის დამთავრების შემდეგ მსახურობდა ქ. თბილისის სამთო მიწათმოქმედების და სუბტროპიკული კულტურების საკავშირო სამეცნიერო-კვლევით და საკონსტრუქტორო-ტექნოლოგიურ ინსტიტუტში; 1974 წელს დაიცვა საკანდიდატო დისერტაცია და დაბრუნდა ინსტიტუტში ტრაქტორებისა და ავტომობილების კათედრაზე ჯერ უფრო მასწავლებლად, შემდგომ - დოცენტად; სხვადასხვა დროს იყო მექანიზაციის ფაკულტეტის დეკანის მოადგილე, აგრობიზნესის ინჟინერთა ფაკულტეტის დეკანი; 2001 წელს დაიცვა სადოქტორო დისერტაცია და მიენიჭა პროფესორის წოდება; 2006-2009წწ. - საქართველოს სუბტროპიკული მეურნეობის უნივერსიტეტის რექტორი; 2009 წლიდან - უნივერსიტეტის ემერიტუს პროფესორი. 100-ზე მეტი სამეცნიერო ნაშრომის ავტორი. მისი სამეცნიერო კვლევის ძირითადი მიმართულებაა სოფლის მეურნეობის მექანიზაცია, მათ შორის სუბტროპიკული კულტურების მოვლა-მოყვანის თანამედროვე ტექნოლოგიები და მანქანათა კომპლექსის დამუშავება; გამოქვეყნებული აქვს 14 საავტორო მოწმობა და პატენტი; მიღებული აქვს სახელმწიფო ჯილდოები. ტექნიკურ მეცნიერებათა დოქტორი (2001), პროფესორი (2003).

წყარო: საქართველო: ენციკლოპედია: ტ.2. - თბ., 2012. - გვ.527; აკაკი წერეთლის სახელმწიფო უნივერსიტეტის რექტორები = The rectors of Akaki Tsereteli State University/იმერ ბასილაძე, ნესტან კუტივაძე. -ქუთაისი, 2013. -გვ.109-110

• საქართველოს საინჟინრო მეცნიერებათა აკადემია, ნამდვილი წევრი (2007-)
• ცხუმ-აფხაზეთის მეცნიერებათა აკადემია, აკადემიკოსი

• 2008 - ღირსების ორდენი

• დაფნის ღეროების საჭრელი აპარატის მექანიკა-ტექნოლოგიური პარამეტრების გაუმჯობესება : მონოგრაფია (რედაქტორი). - ქუთაისი, მოწამეთა, 2009. - 80გვ.. - ISBN: 9789992853740
• ჩაის ფოთლის კრეფის მექანიზაცია და გადამუშავება : სახელმძღვ. (თანაავტორი). - ქუთაისი, მოწამეთა, 2008. - 192გვ.. - ISBN: 9789992853603
• ხეხილის მოსავლის აღების მექანიზაცია : სახელმძღვ. (ავტორი). - ქუთაისი, მოწამეთა, 2008. - 136გვ. . - ISBN: 9789992853610
• დაფნის წარმოების მექანიზაცია : სახელმძღვ. (ავტორი). - ქუთაისი, ინტერდიზაინი, 2007. - 264გვ.. - ISBN: 9789994075850