იური დადიანი

დაბადების ადგილი: ქ. თბილისი.

დაამთავრა თბილისის II მუსიკალური სასწავლებელი, ვანო სარაჯიშვილის სახელობის თბილისის სახელმწიფო კონსერვატორია 1971 წელს(გუნდის დირიჟორობა).

1970 წელს ჩამოაყალიბა სტუდენტური ანსამბლი "ქორალი"; 1970-1977წწ. იყო საქართველოს მუსიკალური და ქორეოგრაფიული საზოგადოების კამერული გუნდის დირიჟორი; 1976-1977წწ. სტაჟირება გაიარა ვ. სარაჯიშვილის სახელობის თბილისის სახელმწიფო კონსერვატორიაში პედაგოგ ო. დიმიტრიადისთან(საოპერო და სიმფონიური დირიჟორობა); 1975-1980წწ. და 1985-1987წწ. თბილისის სხვადასხვა მუსიკალური სასწავლებლების გუნდის ხელმძღვანელი; 1977-1981წწ. საქართველოს უსინათლოთა საგუნდო კაპელის სამხატვრო ხელმძღვანელი და მთავარი დირიჟორი; 1980-1983წწ. საქართველოს სიმფონიური ორკესტრის დირიჟორი; 1980-1986წწ. თბილისის საესტრადო და საცირკო ხელოვნების სასწავლებლის პედაგოგი(დირიჟორი); 1983-1991წწ. თბილისის მუსიკალური კომედიის თეატრის დირიჟორი; 1990 წელს ჩამოაყალიბა კამერული ორკესტრი, 1992 წელს კამერული ორკესტრი "მერანი"; 1992-1993წწ. იყო ვ. სარაჯიშვილის სახელობის თბილისის სახელმწიფო კონსერვატორიის საგუნდო-სადირიჟორო კათედრის პედაგოგი; 1993 წლიდან მოღვაწეობს გერმანიაში; 1994 წლიდან გერმანიის მუსიკალური აკადემია GEMA-ს წევრია; არის 200-მდე ნაწარმოების ავტორი; თანამშრომლობს 15 გამომცემლობასთან; ამჟამად რამდენიმე გუნდის ხელმძღვანელია; რეპერტუარი, ქართული - მუსიკალური კომედიები, ოპერეტები, მიუზიკლები: შ. მილორავა "დედისერთა ჯარში მიდის", "პაემანი ცაში", "ჩანჩურა", "სათაგური", მ. ჩირინაშვილი "ძველი თბილისის სურათები", ს. ცინცაძე "შვეიკ, შვეიკ, შვეიკ", გ. ცაბაძე "მეტეხის ჩრდილში"; ოპერები: რ. ლაღიძე "ლელა", ი. ბობოხიძე "ბურატინო"; კანტატა-ორატორია, გუნდები; პიანისტი.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 134