კონსტანტინე შაფათავა

დაბადების ადგილი: ქ. თბილისი.

დაამთავრა მინსკის სახელმწიფო სამედიცინო ინსტიტუტი 1971 წელს, ყირიმის სახელმწიფო სამედიცინო ინსტიტუტის სამკურნალო ფაკულტეტი 1978 წელს.

1978–1979წწ. იყო სიმფეროპოლის N6 კლინიკური საავადმყოფოს ქირურგი; 1979-1982წწ. ხარკოვის ზოგადი და გადაუდებელი ქირურგიის კვლევითი ინსტიტუტის კლინიკის ენდოსკოპური და კუჭნაწლავის ქირურგიის განყოფილების გამგე; 1982–1988წწ. ამავე კლინიკის ფილტვის და შუასაყარის ქირურგიული განყოფილების ორდინატორი; 1989 წლიდან იყო თბილისის სახელმწიფო სამედიცინო უნივერსიტეტის ქირურგიულ სნეულებათა N2 კათედრის უფროსი ლაბორანტი, ავტორია 38 სამეცნიერო ნაშრომის ასისტენტი, დოცენტი, პროფესორი. ქირურგი, მედიცინის მეცნიერებათა დოქტორი.

საკანდიდატო დისერტაციის თემა - "12–გოჯა ნაწლავის წყლულოვანი დაავადების ქირურგიული მკურნალობა", დაიცვა 1984 წელს.

სადოქტორო დისერტაციის თემა - "კუჭის წყლულის ქირურგიული მკურნალობის თანამედროვე ასპექტები", დაიცვა 1992 წელს.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.- გვ.309

• თბილისის ქირურგიული საზოგადოება, წევრი
• პიროგოვის სახელობის ქირურგთა ასოციაცია, წევრი