ალექსანდრე-რობერტ დარახველიძე

დაბადების ადგილი: ქ. თბილისი.

1948–1950 წლებში ცეკვავდა თბილისის ცენტრალური კულტურის სახლისა და ტრამვაი-ტროლეიბუსების სამმართველოს თვითმოქმედ კოლექტივებში, აგრეთვე, საქართველოს სიმღერისა და ცეკვის დამსახურებულ ანსამბლში; 1951 წელს საქართველოს ხალხური ცეკვის სახელმწიფო დამსახურებულ ანსამბლში; შემდგომ წლებში მთელი შემოქმედება საბავშვო ქორეოგრაფიას მიუძღვნა; როგორც დამოუკიდებელი ქორეოგრაფი ხელმძღანელობდა მის მიერ შექმნილ ანსამბლებს: "კავკასიონი", "საქართველო", "მერცხალი", "ია"; მათთან ერთად იმოგზაურა ქვეყნის და საზღვარგარეთის მრავალ ქალაქში; დადგმული აქვს ცეკვები: "მოხევის ქალო თინაო", "ციცინათელა", "ყვავილების კრეფა", "ნორჩი მხედრები", "ნორჩი მწყემსი". მოღვაწეობდა: მოსწავლე ახალგაზრდობის  სასახლეში, განათლების მუშაკთა კულტურის სახლში, თბილისის პირველ სკოლაში, კავშირგაბმულობის მუშაკთა კულტურის სახლში, პროფკავშირების კულტურის სასახლეში, საქართველოს შოთა რუსთაველის თეატრისა და კინოს სახელმწიფო უნივერსიტეტში. თეატრისა და კინოს სახელმწიფო უნივერსიტეტის დოცენტი.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 142; წიგნი ღირსებისა: ტ. 6/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.79; ქართული ხალხური ქორეოგრაფიის მოღვაწენი / გიორგი სუხიშვილი.-თბ.,1988.-გვ.56-57; ქორეოგრაფი ალექსანდრე დარახველიძე გარდაიცვალა : ქორეოგრაფი, 1931-2020 : ნეკროლოგი // ახალი თაობა.-თბილისი, 2020.-28 აპრილი.-N 94.-გვ.6

• 2001 - ღირსების ორდენი
• 1984 - ოქროს მედალი
  ოლიმპიადა
• საქართველოს ქორეოგრაფიის ბრწყინვალების ორდენი
• სამკერდე ნიშანი "სახალხო განათლების წარჩინებული"
• საქართველოს კულტურის დამსახურებული მუშაკი