მირიან ებრალიძე

დაბადების ადგილი: ქ. ლანჩხუთი.

დაამთავრა საქართველოს საინჟინრო-სამშენებლო ინსტიტუტი ინჟინერ-ჰიდროტექნიკოსის კვალიფიკაციით 1932 წელს.

1932-1938წწ. მუშაობდა საკავშირო ინსტიტუტ "ჰიდროენერგოპროექტის" თბილისის განყოფილების ტექნიკოსად, ჯგუფის ხელმძღვანელად, პროექტის მთავარ ინჟინრად, ენერგეტიკის სექტორის უფროსად; მონაწილეობდა რიწეულის, სოხუმის, დარიალისა და სხვა ჰესების დაპროექტებაში; 1938-1953 და 1958-1969წწ. სოხუმის, ხრამ-I-ის, სამგორის, გუმათის, ბჟუჟის ჰესების მშენებლობაზე ეკავა სხვადასხვა საპასუხისმგებლო თანამდებობები; საექსპლუატაციოდ გაშვებამდე ხელმძღვანელობდა ხრამჰეს-2-ის მშენებლობას; 1963-1965წწ. ტრესტ "საქჰიდროენერგომშენის" მმართველის მოადგილე და ერთდროულად ენგურჰესის მშენებლობის სამმართველოს უფროსი იყო; 1965-1969წწ. - ტრესტის მთავარი ინჟინერი; 1969 წლიდან იყო მაროკოში ჰიდროელექტროსადგურის მშენებლობის უფროსის მოადგილე და მთავარი ინჟინერი; 1973 წლიდან მუშობდა საქართველოს პოლიტექნიკური ინსტიტუტის სამეცნიერო-კვლევითი სამუშაოების განყოფილებაში უფროს მეცნიერ თანამშრომლის თანამდებობაზე. მიღებული აქვს ორჯერ წითელი დროშის და ორჯერ საპატიო ნიშნის ორდენები და მედლები. ინჟინერ-ჰიდროტექნიკოსი.

წყარო: საქართველო: ენციკლოპედია: ტ.2. - თბ., 2012. - გვ.530; გამოჩენილი ინჟინრები და მეცნიერები: კრებული/შემდგ.: მიტროპოლიტი ანანია ჯაფარიძე [და სხვ.]. -თბ., 2012. -გვ.58

• 1960 - საქართველოს დამსახურებული ინჟინერი
• 1951 - სტალინური პრემია
  ხრამჰეს-I-ის საექსპლუატაციოდ გადაცემასთან დაკავშირებით