თამარ შენგელია

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1968 წელს.

1968-1970წწ. მუშაობდა თბილისის კარდიოლოგიის სამეცნიერო-კვლევითი ინსტიტუტში; 1971-1972წწ. თბილისის მე-15 პოლიკლინიკაში; 1972 წლიდან კურორტოლოგიისა და ფიზიოთერაპიის სამეცნიერო-კვლევითი ინსტიტუტის თანამშრომელი; 1974 წლიდან წყალტუბისა და ახტალის, 1976-1990წწ. კი №11 და  №17 პოლიკლინიკების კონსულტანტი.  ავტორია 35 სამეცნიერო ნაშრომისა, რომლებიც ეხება ნევროლოგიური ავადმყოფების მკურნალობას კურორტული და ფიზიო ფაქტორებით. გამოქვეყნებული აქვს: "ნევრასთენიით დაავადებულების კომპლექსური კურორტული მკურნალობა-მეთოდიკა"("განათლება", 1982), "დისკოგენური რადიკულით დაავადებულების კომპლექსური კურორტული მკურნალობა-მეთოდიკა"("განათლება", 1990). ნევროპათოლოგი, მედიცინის მეცნიერებათა კანდიდატი. 

საკანდიდატო დისერტაციის თემა - "ნევრასთენიით დაავადებულებზე კომპლექსური კურორტული მკურნალობის გავლენა თერმულ-სულფიდური და სუბთერმული სუსტად რადიოაქტიური აზოტური სუსტად  მინერალიზებული წყლების გამოყენებით", დაიცვა 1982 წელს.  

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.- გვ.311

• კურორტოლოგთა და ფიზიოთერაპევტთა საზოგადოება, წევრი
• ნევროპათოლოგთა და ფსიქიატრთა საზოგადოება, წევრი