სოსო ებრალიძე

დაბადების ადგილი: ქ. თბილისი.

დაამთავრა ხარკოვის ხელოვნების ინსტიტუტის დაუსწრებელი განყოფილება საგუნდო დირიჟორის სპეციალობით 1966 წელს.

1955 წლიდან მუშაობს საქართველოს სახელმწიფო ფილარმონიაში; სხვადასხვა მუსიკალურ კოლექტივებთან ერთად (ვოკალური ტრიო, სახელმწიფო საესტრადო ორკესტრი "რერო") მონაწილეობდა საგასტროლო კონცერტებში სსრკ-ის რესპუბლიკებსა თუ საზღვარგარეთის ქვეყნებში; 1960-1961წწ. მღეროდა მოსკოვში ო. ლუნდსტრემის ჯაზ-ორკესტრში; 1961 წელს ძმასთან, ა. ებრალიძესთან ერთად დაარსა ვაჟთა ვოკალურ-საკრავიერი "დიელო"; 1967 წელს კი ანსამბლი "ციცინათელა"; არის 50-მდე სიმღერის ავტორი და შემსრულებელი, მათ შორის: "რა დაგიშავე ქალო", "ოციოდე წლის წინ", "რა ყოფილა გურია"; მის სიმღერებს ასრულებდა სხვადასხვა საესტრადო კოლექტივი - "რერო", "ფლეში"; გადაღებულია კინოფილმებში: "წარსული ზაფხული", "შეხვედრა მთაში"; არის არაერთი საკავშირო კონკურსის გამარჯვებული; ესტრადის მომღერალი.

წყარო: საქართველო: ენციკლოპედია: ტ.2. - თბ., 2012. - გვ.531; წიგნი ღირსებისა: ტ. 2/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.58

• 1997 - ღირსების ორდენი
• 1972 - საქართველოს დამსახურებული არტისტი