ვოვა შენგელიძე

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1973 წელს.

1973-1975წწ. მუშაობდა ექსპერიმენტული და კლინიკური ქირურგიის ინსტიტუტში; 1975-1976წწ. რუსთავის მეტალურგიული ქარხნის სამედიცინო ნაწილში; 1977-1984წწ. მოსკოვის №61 კლინიკური საავადმყოფოს სეჩენოვის სახელობის I სახელმწიფო სამედიცინო ინსტიტუტში; 1984 წლიდან თბილისის სახელმწიფო სამედიცინო ინსტიტუტის ქირურგიის კათედრის თანამშრომელი; 2001 წლიდან ენდოსკოპიის სასწავლო ცენტრის "თეომედის" ხელმძღვანელი. ავტორია 14 სამეცნიერო ნაშრომისა, რომლებიც ეხება გასტრო-ინტესტინალური პათოლოგიის ადრეული და დროული დიაგნოსტიკის პრობლემებს. არის საკანდიდატო დისერტაციის სამეცნიერო კონსულტანტი. რესპუბლიკის მთავარი ენდოსკოპისტი(2000), ქირურგ-ენდოსკოპისტი, მედიცინის მეცნიერებათა დოქტორი.

საკანდიდატო დისერტაციის თემა - "ქრომოდუოდენოსკოპია თორმეტგოჯა ნაწლავის ქირურგიული და მოსაზღვრე დაავადებების დიაგნოსტიკაში", დაიცვა 1983.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.- გვ.313

• აშშ ენდოსკოპისტთა ასოციაცია, წევრი (1997-)
• რუსეთის ფედერაციის სამეცნიერო საზოგადოება "эндоскопическая хирургия", წევრი (2001-)
• საქართველოს ენდოსკოპისტთა ასოციაცია, ერთ-ერთი დამფუძნებელი