ბერი ეგნატაშვილი

იყო ვახტანგ VI-ის მიერ "ქართლის ცხოვრების" გაგრძელების დასაწერად შედგენილი კომისიის ერთ-ერთი მონაწილე, შესაძლოა ხელმძღვანელიც; "ახალი ქართლის ცხოვრების" ხელნაწერის არშიაზე გაკეთებული ორი მინაწერი (1779) მოწმობს, რომ ეგნატაშვილი ამ თხზულების ერთ-ერთი ავტორი იყო; მისი ავტორობის კვალი თხზულების ტექსტშიც ჩანს; ვარაუდობენ, რომ იგი მჭიდროდ იყო დაკავშირებული ერეკლე II-ის მოწინააღმდეგე პირებთან, რომლებიც შემდეგში 1765 წლის შეთქმულებაში მონაწილეობდნენ; გარდაიცვალა XVIII საუკუნის 60-იანი წლების დასაწყისში; ქართველი ისტორიკოსი, ჩამომავლობით აზნაური.

წყარო: საქართველო: ენციკლოპედია: ტ.2. - თბ., 2012. - გვ.539