შოთა შურღაია

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1949 წელს.

1949-1952წწ. თბილისის სახელმწიფო სამედიცინო ინსტიტუტში გაიარა კლინიკური ორდინატურის კურსი; 1952-1955წწ. იყო ტყვარჩელის საავადმყოფოს თერაპიული განყოფილების გამგე; 1955-1962წწ. სწავლობდა მოსკოვის ექიმთა დახელოვნების ინსტიტუტის ასპირანტურაში, იყო ამავე ინსტიტუტის ასისტენტი, დოცენტი, საკავშირო აკადემიის ინსტიტუტის უფროსი მეცნიერ-თანამშრომელი, ლაბორატორიის გამგე(ქ. ნოვოსიბირსკი, 1962-1978), 1978-1991წწ. სამედიცინო აკადემიის ციმბირის განყოფილების სწავლული მდივანი, თბილისის IV მთავარი სამმართველოს მთავარი თერაპევტი, კარდიოლოგი, 1991 წლიდან №1 სამკურნალო-პროფილაქტიკური ცენტრის თერაპიული განყოფილების გამგე, პრორექტორი. ავტორია 155 სამეცნიერო ნაშრომისა, რომლებიც ეხება კარდიოლოგიურ, ეპიდემიოლოგიურ და თერაპიულ პრობლემებს, პროფესიული მედიცინის, ოჯახის ექიმის, პირველადი ჯანდაცვის საკითხებს. გამოქვეყნებული აქვს 2 მონოგრაფია: "იშემიური დაავადების ქირურგიული მკურნალობის თერაპიული ასპექტები"("მედიცინა", ნოვოსიბირსკი, 1970), "გულის იშემიურ დაავადებათა  ეპიდემიოლოგია ჩრდილოეთ ქვეყნებში"("მედიცინა", ნოვოსიბირსკი, 1972). თერაპევტი-კარდიოლოგი, მედიცინის მეცნიერებათა დოქტორი, პროფესორი. სამკურნალო პროფილაქტიკური ცენტრის ხელმძღვანელი. უმაღლესი კატეგორიის ექიმი. 28 წელი მუშაობდა ციმბირის განყოფილების სამეცნიერო აკადემიაში, იმყოფებოდა ალასკასა და ჩრდილოეთ პოლუსზე.

საკანდიდატო დისერტაციის თემა - "ვექტორ-ელექტროკარდიოგრაფიული ცვლილება გულის მწვავე ინფარქტის დროს დინამიკაში", დაიცვა 1960 წელს.

სადოქტორო დისერტაციის თემა - "იშემიური დაავადების ქირურგიული მკურნალობის თერაპიული ასპექტები", დაიცვა 1970 წელს.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.- გვ.317

• კარდიოლოგიისა და თერაპიული საზოგადოება , წევრი
• რევმატოლოგთა საზოგადოება

• საქართველოს მეცნიერებათა დამსახურებული მოღვაწე