შოთა ჩარგეიშვილი

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1954 წელს.

1954-1957წწ. იყო თბილისის სახელმწიფო სამედიცინო ინსტიტუტის საფაკულტეტო ქირურგიის კლინიკური ორდინატორი; 1957-1962წწ. კ. ერისთავის სახელობის ქირურგიის ინსტიტუტის ასპირანტი, 1962-1967წწ. უმცროსი, 1967-1992წწ. უფროსი მეცნიერ-თანამშრომელი, 1992 წლიდან წამყვანი მეცნიერ-თანამშრომელი. ავტორია 56 სამეცნიერო ნაშრომისა, რომელიც ეხება გულის კორონალურ სისხლძარღვთა და მუცლის ქირურგიის საკითხებს. გამოქვეყნებული აქვს მონოგრაფია: "თრომბოჰემორაგიული სინდრომი"(1990). ქირურგი, მედიცინის მეცნიერებათა კანდიდატი. 

საკანდიდატო დისერტაციის თემა - "მიოკარდისა და მისი ინტრამურული ნერვული აპარატის სტრუქტურული ცვლილებები კორონალური არტერიის გადაკვანძვის დროს", დაიცვა 1963 წელს.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.- გვ.319; წიგნი ღირსებისა: ტ. 2/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.196

• აკად. გრ. მუხაძის სახელობის თბილისის ქირურგთა საზოგადოება, წევრი
• აკად. გრ. მუხაძის სახელობის საქართველოს ქირურგთა საზოგადოება, წევრი

• 1997 - ღირსების მედალი
• გრიგოლ მუხაძის სახელობის მედალი