ნინო ჩარკვიანი

დაბადების ადგილი: ქ. ბათუმი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1975 წელს.

1976-1978წწ. იყო კლინიკური ორდინატორი; 1978-1981წწ. ი. ჟორდანიას სახელობის ადამიანის გენერაციული ფუნქციის სამეცნიერო-კვლევითი ინსტიტუტის ასპირანტი; 1981-1983წწ. თბილისის სახელმწიფო სამედიცინო ინსტიტუტის ჰოსპიტალური თერაპიის კათედრის(სუბორდინატორთათვის) ასისტენტი; 1983 წლიდან თბილისის სახელმწიფო სამედიცინო უნივერსიტეტის ენდოკრინოლოგიის კათედრის ასისტენტი. ავტორია 10 სამეცნიერო ნაშრომისა, რომლებიც ეხება გინეკოლოგიურ ენდოკრინოლოგიას, ფარისებრი ჯირკვლის, დიაბეტოლოგიის პრობლემებს. ენდოკრინოლოგი, მედიცინის მეცნიერებათა კანდიდატი. თბილისის სახელმწიფო სამედიცინო უნივერსიტეტის ენდოკრინოლოგიის კათედრის ასისტენტი.

საკანდიდატო დისერტაციის თემა - "ჰიპოთალამუს-ჰიპოფიზ-საკვერცხეების ფუნქციური მდგომარეობა შტეინ-ლევენტალის სინდრომის დროს", დაიცვა 1983 წელს.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.- გვ.320; ka-ge.facebook.com

• ექიმთა და დიაბეტით დაავადებულთა თბილისის რეგიონალური კავშირი "დ. მელიტუსი" , თავმჯდომარის მოადგილე
• შავი ზღვის ქვეყნების დიაბეტოლოგთა კავშირი, წევრი

• ევროპის დიაბეტის შემსწავლელი ასოციაციის დიპლომის შემდგომი განათლების მესამე კურსი (თანაავტორი). - თბილისი, 2018. - 16გვ.
• ფარისებრი ჯირკვალი და მისი ზოგიერთი დაავადება : დამხმ. სახელმძღვ. ენდოკრინოლოგიის ციკლის სტუდ. (თანაავტორი). - თბილისი, 1989. - 26გვ.