ემელიანე დოლიძე

დაბადების ადგილი: სოფელი ბახვი, ოზურგეთის რაიონი.

ცეკვები შეისწავლა კავკასიური ცეკვების ცნობილ ქორეოგრაფ-პედაგოგ როზენბერგთან; ჯერ დაინიშნა ბათუმის ვაჟთა გიმნაზიაში ქორეოგრაფად, შემდეგ აჭარის სიმღერისა და ცეკვის ანსამბლის ქორეოგრაფად; დააარსა ხუცუბნის მოცეკვავეთა ანსამბლი, ქობულეთისა და მახინჯაურის უდედმამო ბავშვთა სახლის აღსაზრდელების ქორეოგრაფიული ჯგუფი; დადგმული აქვს ცეკვები ოზურგეთის სიმღერისა და ცეკვის ანსამბლთან(ლოტბარი ა. ერქომაიშვილი); ა. ერქომაიშვილთან ერთად იმოგზაურა საქართველოს რაიონებში; ეცნობოდა, აგროვებდა და სწავლობდა ფოლკლორის ძველ ნიმუშებს; იყო ქართული ხალხური ცეკვების პროპაგანდისტი; ეწეოდა პედაგოგიურ საქმიანობას; აღზარდა ქართული ხალხური ცეკვის ბევრი გამოჩენილი ოსტატი, მათ შორის: ე. ხაბაძე, ბ. სვანაძე, გ. ოდიკაძე, ვ. მეგრელიძე.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 152