ქეთევან ელიავა

დაბადების ადგილი: ქ. თბილისი.

დაამთავრა ვანო სარაჯიშვილის სახელობის თბილისის სახელმწიფო კონსერვატორია 1996 წელს (ვოკალური).

1996 წლიდან არის თბილისის ექსპერიმენტული სკოლის პედაგოგი (ვოკალი); 2005 წლიდან უმაღლესი პროფესიული პროგრამების პედაგოგი (ვოკალი), ამავე წლიდან ვ. სარაჯიშვილის სახელობის თბილისის სახელმწიფო კონსერვატორიის ასისტენტ-პროფესორი (ვოკალი), ასოცირებული პროფესორი; ჰყავს ლაურეატი მოწაფეები: მ. გულორდავა (კამერული სიმღერის განხრით); გასტროლებით იმოგზაურა: იტალია, საფრანგეთი; კამერული მომღერალი, სოპრანო.

სამუსიკო ხელოვნების აკადემიის დოქტორი, სადოქტორო დისერტაციის თემა - "კამერული და ვოკალური შემსრულებლობის პრობლემები და ჰუგო ვოლფის სასიმღერო შემოქმედება", დაიცვა 2011 წელს.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 163